பிறந்தநாளில் அணையை திறந்து வைக்கும் மோடி

பிரதமர் மோடியின் 66 வது பிறந்தநாளான இன்று, குஜராத்தில் உயரம் அதிகரிக்கப்பட்ட சர்தார் சரோவர் அணையை திறந்து வைக்கிறார்.

பிரதமர் மோடி 1950 ஆம் ஆண்டு செப்டம்பர் 17 ல் பிறந்தார். அவரது 66 வது பிறந்த நாளான இன்று குஜராத்தின் நவகம் பகுதியில் நர்மதை ஆற்றின் குறுக்கே உள்ள அணையை திறந்து வைக்கிறார். இந்த அணையின் உயரம் 138.68 மீட்டராக அதிகரிக்கப்பட்டு புதுப்பிக்கப்பட்டுள்ளது.

இந்த அணையின் மூலம் குஜராத், ராஜஸ்தான் உள்ளிட்ட 5 மாநிலங்களைச் சேர்ந்த 4 கோடிக்கும் மேற்பட்ட மக்கள் பயனடைகின்றனர். 10 லட்சத்திற்கும் மேற்பட்ட மக்கள் பாசன வசதியையும் பெறுகிறார்கள்.

கேவடியா பகுதியில் நடைபெறும் இந்த திறப்பு விழா நிகழ்ச்சியை தொடர்ந்து, சாதுபெட் பகுதியில் 182 அடி உயரத்தில் வல்லபாய் படேலுக்கு சிலை அமைக்கும் பணிகளை பார்வையிடுகிறார்.