மோடி என்னை விட கில்லாடி: ராகுல் நக்கல்

பிரதமர் நரேந்திர மோடி தன்னைவிட வல்லவர் என்று காங்கிரஸ் துணைத் தலைவர் ராகுல் காந்தி தெரிவித்துள்ளார்.

அமெரிக்கா சென்றுள்ள ராகுல் காந்தி அங்கு நடைபெற்ற நிகழ்ச்சி ஒன்றில் உரையாற்றினார். அப்போது, தகவல் அறியும் உரிமைச் சட்டத்தை முடக்கிய பெருமை பிரதமர் மோடிக்குத்தான் உண்டு என்று குற்றம்சாட்டினார்.

மேலும் தன்னுடன் பணிபுரிவோர், நாடாளுமன்ற உறுப்பினர்கள், ஏன்? தன் சொந்தக் கட்சியான பாஜகவினருடன் கூட அவர் எந்த எந்த விஷயத்தையும் பரிமாறிக் கொள்வதில்லை. தகவல் பரிமாற்றத்திறனில் மோடி தன்னைவிட வல்லவர் என்று ராகுல் காந்தி கேலியாகக் கூறினார்.

வாரிசு அரசியல் பல நாடுகளில் இருப்பதுதான் என்று குறிப்பிட்ட ராகுல், மு.க. ஸ்டாலின், அகிலேஷ் யாதவ், தேஜஸ்வி யாதவ் ஆகியோரும் வாரிசு அரசியலால் வந்த தலைவர்களே என்று பதிலளித்தார். வன்முறைக்கு தனது தந்தையையும், பாட்டியையும் பறிகொடுத்த தன்னைத் தவிர வேறு யாரால் வன்முறையைப் பற்றி உணரமுடியும் என்றும் அவர் தெரிவித்தார்.