இன்று இஷா அம்பானி திருமணம்; திருவிழாக் கோலமான மும்பை இல்லம்!

இந்தியாவின் மிக ஆடம்பர திருமணமாக முகேஷ் அம்பானியின் இல்லத் திருமணம் இன்று நடைபெறுகிறது. அவரது மகள் இஷா அம்பானிக்கும், ஆனந்த் பிராமலுக்கும் திருமண ஏற்பாடுகள் தீவிரமாக நடைபெற்று கொண்டிருக்கிறது.

இதற்காக மும்பையில் உள்ள முகேஷ் அம்பானியின் இல்லம் திருவிழாக் கோலம் பூண்டுள்ளது.

திருமணத்திற்கு முன்பான நிகழ்ச்சிகள் உதய்பூரில் நடந்து முடிந்துள்ளது. அதில் ஏராளமான பாலிவுட் பிரபலங்கள் கலந்து கொண்டனர்.

மேலும் அமெரிக்க பாப் பாடகி பேயான்ஸ், முன்னாள் அமெரிக்க அதிபர் கிளிண்டனின் மனைவி ஹிலாரி உள்ளிட்டோர் பங்கேற்றனர். இன்று நடைபெறும் திருமண நிகழ்விற்காக முகேஷ் அம்பானியின் 27 மாடிகள் கொண்ட அன்டில்லா இல்லம் வண்ண விளக்குகளாலும், பூக்களாலும் அலங்கரிக்கப்பட்டுள்ளன.

இஷா அம்பானி திருமணச் செலவு மட்டும் ரூ.72 கோடிக்கும் அதிகமாக செல்லும் என்று எதிர்பார்க்கப்படுகிறது. இன்றைய திருமண நிகழ்வை ஒட்டி, அனில் அம்பானி, அமீர் கான் - கிரண் ராவ் உள்ளிட்டோர் அன்டில்லா இல்லத்திற்கு வந்து சேர்ந்தனர்.

இதுதொடர்பான புகைப்படங்கள் இணையத்தில் வைரலாகி வருகின்றன. மேலும் விருந்தினர்கள் வந்த வண்ணம் உள்ளனர்.