ஹெல்மட்டை மறந்து கிரீடம் அணிந்த ராவணன்!

டெல்லி: ராவணன் வேடமிட்டு பைக்கில் ஹெல்மட் அணியாமல் சென்ற நடிகருக்கு அபராதம் விதிக்கப்பட்டது.

டெல்லி செங்கோட்டையில் ஆண்டுதோறும் நவராத்திரியை ஒட்டி ராம்லீலா நிகழ்ச்சி நடைபெறும். இதில், ராவணன் வேடத்தில் நடித்த முகேஷ் ரிஷி ராவணன் வேடத்தில் பைக்கில் பயணம் செய்தார்.

இந்த படம் சமூக வலைத்தளங்களில் வெளியானது. கிரீடம் அணிந்ததால் ஹெல்மட் அணியாமல் இருந்த அவருக்கு போக்குவரத்து போலீஸ் நோட்டீஸ் அனுப்பியது.

பின்னர், போக்குவரத்து காவல் அலுவலகத்திற்கு நேரில் சென்ற முகேஷ் ரிஷி, அபராதம் செலுத்தினார் என போலீஸ் அதிகாரி ஒருவர் தெரிவித்தார்.