போலீஸ் பாதுகாப்பிற்கு 18% ஜிஎஸ்டி வரி!

விஐபிக்களுக்கு போலீஸ் பாதுகாப்பு வேண்டுமென்றால் கட்டணத்துடன் 18% ஜிஎஸ்டி செலுத்த வேண்டும் என்று மும்பை காவல்துறை அறிவித்துள்ளது.

நாடு முழுவதும் ஜிஎஸ்டி ஜூலை 1ஆம் தேதி முதல் அமல்படுத்தப்பட்டுள்ளது. இந்நிலையில் மும்பை காவல்துறையும் பாதுகாப்பிற்கு 18% சதவீதம் வரி செலுத்த வேண்டும் என்று அறிவித்துள்ளது. கிரிக்கெட் போட்டிகள் நடைபெறும் போது, சினிமா நட்சத்திரங்கள் வரும் போது, பணம் நிரப்பிய வாகனங்கள், தனி நபர் பாதுகாப்பு ஆகியவற்றின் மூலம் மும்பை காவல்துறைக்கு பெரும் வருவாய் கிடைக்கிறது.

சட்டம் ஒழுங்கு தவிர மற்ற சேவைகளுக்கு காவல்துறைக்கு வரி செலுத்த வேண்டும். அதனால் இது போன்ற பாதுகாப்பிற்கு 18% ஜிஎஸ்டி செலுத்த வேண்டிய நிலை உருவாகியுள்ளது. உதாரணமாக ஒவ்வொரு ஐபிஎல் மேட்ச்சின் போது மும்பை போலீஸூக்கு 75 லட்சம் வழங்கப்படுகிறது. 18% வரி விதிப்பதன் மூலம் 1.50 கோடி ரூபாய் வருவாய் கிடைக்க வாய்ப்பு உள்ளது. இதனால் இனி கட்டணத்துடன் சேவை வரியாக 18% சேர்த்து வசூலிக்கப்பட உள்ளது.