நாடாளுமன்றத் தேர்தல்: பீகாரில் முடிவானது தேசிய ஜனநாயக கூட்டணி தொகுதி பங்கீடு!

நாடாளுமன்ற தேர்தலை முன்னிட்டு, பீகாரில் தேசிய ஜனநாயக கூட்டணி கட்சிகளின் தொகுதிப்பங்கீடு முடிவு செய்யப்பட்டுள்ளது.

பீகாரில் நீண்ட இழுபறிக்கு பின் பாஜக கூட்டணியில் தொகுதி பங்கீடு சுமூகமாக முடிவுக்கு வந்துள்ளது. ஐக்கிய ஜனதா தள தலைவர் நிதிஷ் குமார், லோக் ஜனசக்தி கட்சி தலைவர் ராம் விலாஸ் பஸ்வான் ஆகியோருடன் பா.ஜ.க. தலைவர் அமித்ஷா ஆலோசனை நடத்தினார். அதற்கு பின் எல்லா கட்சிகளுக்குமான தொகுதி எண்ணிக்கையும் அறிவிக்கப்பட்டது.

பீகாரில் 40 மக்களவை தொகுதிகள் உள்ளது. அதில் பா.ஜ.க., ஐக்கிய ஜனதா தளம் 17 தொகுதிகளில் போட்டியிடுவதாக தெரிவிக்கப்பட்டுள்ளது. லோக் ஜனசக்தி கட்சிக்கு 6 தொகுதிகள் ஒதுக்கப்பட்டுள்ளது. தவிர, மாநிலங்களவை உறுப்பினர் தேர்தலில் ஓரிடம் வழங்க முடிவு செய்யப்பட்டது.
தவிர, ராம் விலாஸ் பாஸ்வான் இந்த தேர்தலில் போட்டியிடவில்லை. ஆனால் மாநிலங்களவை தேர்தலில் தேசிய ஜனநாயகக் கூட்டணி சார்பில் அவர் போட்டியிடுவார் என்றும் தெரிவிக்கப்பட்டுள்ளது.