முதலீடுகளை ஈர்க்க புதிய யோசனைகளை எதுவும் இல்லை: பட்ஜெட் குறித்து ப.சிதம்பரம் கருத்து

புதுதில்லி: மத்திய பட்ஜெட்டில் புதிய யோசனைகளை எதுவும் இல்லை என்று முன்னாள் நிதியமைச்சர் ப.சிதம்பரம் கருத்து தெரிவித்துள்ளார்.

மத்திய பொது பட்ஜெட்டை மக்களவையில் நிதியமைச்சர் அருண் ஜெட்லி இன்று தாக்கல் செய்தார். இதுகுறித்து கருத்து தெரிவித்துள்ள முன்னாள் நிதியாமைச்சரும், காங்கிரஸ் கட்சியின் மூத்த தலைவருமான ப.சிதம்பரம், முந்தைய காங்கிரஸ் தலைமையிலான அரசு கொண்டு வந்த திட்டங்கள் பின்பற்றப்படுவது மகிழ்ச்சி அளிக்கிறது. நிதிப் பற்றாக்குறை இலக்கை அடைந்திருப்பதும் மகிழ்ச்சி அளிப்பதாகத் தெரிவித்தார்.

மேலும், இந்த பட்ஜெட் புதிய யோசனைகளை எதுவும் இல்லாத பட்ஜெட் என்று குறிப்பிட்ட சிதம்பரம், அனைத்து துறைகளிலும் ஏமாற்றம் அளிக்கும் பட்ஜெட்டாக இது இருக்கிறது என்றும் குறிப்பிட்டார்.

அதேபோல, தனியார் துறை முதலீடுகளில் ஈர்க்க எந்தவொரு புதிய யோசனைகளையும் அரசு முன்வைக்கவில்லை என்றும் விமர்சனம் செய்தார்.