'கேரள காங்கிரஸ் அலுவலகம் விற்பனை’ - ஓ.எல்.எக்ஸில் பரபரப்பு விளம்பரம்!

கொச்சின்: கேரள காங்கிரஸ் அலுவலகம் விற்பனைக்கு வருகிறது என ஓ.எல்.எக்ஸில் விளம்பரம் வந்துள்ளது.

கேரளாவில் இருந்து தேர்வு செய்யப்பட்ட 3 மாநிலங்களவை உறுப்பினர்களின் பதவிக் காலம், வரும் 30ஆம் தேதியுடன் நிறைவு பெறுகிறது. இதற்காக வரும் 21ஆம் தேதி, தேர்தல் நடைபெறுகிறது.

கேரளா மாநிலத்தில் ஆளும் சிபிஎம் கூட்டணிக்கு 2 சீட்டுகளும், எதிர்க்கட்சியான காங்கிரஸ் கூட்டணிக்கு ஒரு சீட்டும் கிடைக்க வாய்ப்புள்ளது. இதற்கான வேட்பாளர்கள் அறிவிக்கப்பட்டுள்ளனர்.

காங்கிரஸ் கட்சிக்கான மாநிலங்களவை உறுப்பினர் சீட்டை, காங்கிரஸ் -எம் கட்சியின் ஜோஸ்.கே.மாணிக்கு வழங்கப்பட்டுள்ளது. இதனால் காங்கிரஸ் கட்சிக்குள் எதிர்ப்பு கிளம்பியுள்ளது.

இந்த சூழலில் காங்கிரஸ் கட்சி அலுவலகம் விற்பனைக்கு வந்துள்ளது என ஓ.எல்.எக்ஸ் தளத்தில் அனீஸ் என்பவர் பதிவிட்டுள்ளார். அதன் விலை ரூ.10,000 என்றும் கூறப்பட்டுள்ளது.

விருப்பமுள்ளவர்கள் முஸ்லீம் லீக் அல்லது கேரள காங்கிரஸ் கட்சியை தொடர்பு கொள்ளுமாறு குறிப்பிடப்பட்டுள்ளது. இதில் காங்கிரஸ், முஸ்லீக் லீக் ஆகியவை கேரள காங்கிரஸ் - எம்மிற்கு நெருக்கமானவை.

காங்கிரஸ் கட்சிக்கு மாநிலங்களவை சீட் அளிக்காததால், வெளியான ஓ.எல்.எக்ஸ் விளம்பரம் பெரும் பரபரப்பை ஏற்படுத்தியுள்ளது.

OLX website advertisement shows about saled of Kerala Congress Office.