"ஆப்ரேசன் ரோமியோ ரீட்டன்ஸ்" 121 ஈவ் டீசர் கைது - போலீஸ் அதிரடி

டெல்லி: டெல்லியில் "ஆபரேசன் ரோமியோ ரீட்டன்ஸ்" என்ற பெயரில் பெண்களை கேலி செய்த 121பேரை போலீசார் அதிரடியாக கைது செய்துள்ளனர்.

டெல்லி குர்காவன் பகுதியிலுள்ள எம்சி சாலையில் பெண்களை கேலி செய்த 121 பேரை போலீசார் கைது செய்தனர்.

டெல்லி குர்காவன் பகுதியிலுள்ள எம்சி சாலையில் நள்ளிரவில் பல இளைஞர்கள் பெண்களை கேலி செய்ததாக போலீசாருக்கு தகவல் வந்தது. இதனையடுத்து, "ஆபரேசன் ரேமோ ரீட்டன்ஸ்" என்ற பெயரில் பெண்களை கேலி செய்பவர்களை கைது செய்ய பத்து ஆண் மற்றும் பத்து பெண் போலீசார்கள் மாறுவேடத்தில் களமிறங்கினார்கள்.


அதனடிப்படையில் , சனிக்கிழமை இரவில் , குர்காவன் பகுதியின் வேவ்வேறு இடங்களில் பெண்களை கேலி செய்த இளைஞர்கள் 121 பேரை கைது செய்து அசத்தியுள்ளனர்.

கடந்த சில நாட்களுக்கு முன்னர் அதிகாலை வேளையில் பெண்களை கேலி செய்ததாக இந்த பகுதியில் 50 பேரை இரண்டு மணிநேரத்தில் போலீசார் கைது செய்தது குறிப்பிடத்தக்கது.