டெல்லியில் தொடரும் பனிப்பொழிவு: ரயில், விமானம் சேவை முடக்கம்

டெல்லி: தொடர் பனிப்பொழிவு காரணமாக, தலைநகரில் ரயில், விமானம் வெகுவாக பாதிக்கப்பட்டுள்ளது.

வடமாநிலங்களில் தொடர்ந்து கடும் பனிமூட்டம் நிலவி வருகிறது. இதனால் மக்கள் பெரும்பாலும் வீடுகளிலேயே முடங்கியுள்ளனர். அதிகாலையில் சாலைகளில் சென்ற வாகனங்கள் மிகவும் மெதுவாக சென்றன. இந்நிலையில் தலைநகர் டெல்லியில் நிலவி வரும் மூடுபனி காரணமாக விமான சேவை பெரிதும் பாதிக்கப்பட்டுள்ளது.

டெல்லி மற்றும் நிஜாமுதீன் ரயில் நிலையங்களில் இருந்து புறப்படும் 20 ரயில்கள் தாமதமாக புறப்பட்டுச் செல்லும் என்று அறிவிக்கப்பட்டுள்ளது. 2 ரயில்களின் பயண நேரம் முற்றிலும் மாற்றப்பட்டுள்ளது. மேலும் ஒரு ரயில் ரத்து செய்யப்பட்டுள்ளது. இதுதொடர்பான அறிவிப்பு IRCTC இணையதளத்திலும், ரயில் நிலைய அறிவிப்பு பலகைகளிலும் வைக்கப்பட்டுள்ளது.

இதேபோல் விமானச் சேவையும் பாதிக்கப்பட்டுள்ளது. இந்திரா காந்தி சர்வதேச விமான நிலையத்தில் இருந்து புறப்படும்/வந்து சேரும் 2 சர்வதேச விமானங்கள் கால தாமதமாகும் என்று கூறப்பட்டுள்ளது. இதேபோல் 8 உள்நாட்டு விமானங்களும் காலதாமதமாக இயக்கப்படுகிறது. ஒரு விமானம் ரத்து செய்யப்பட்டுள்ளது.

Delhi: 20 trains arriving late, 2 rescheduled and 1 cancelled due to fog/ other operational reasons. Owing to fog, 8 domestic flights delayed and 2 international flights delayed #Delhi.