24 ஆண்டுகள் தொடர்ந்து முதல்வராக இருந்து, சிக்கிமின் பவன் சாம்லிங் புதிய சாதனை!

காங்டாக்: நீண்ட நாட்கள் முதல்வராக இருந்த புதிய சாதனையை பவன் சாம்லிங் நிகழ்த்தி உள்ளார்.

வடகிழக்கு மாநிலங்களில் ஒன்றாக சிக்கிம் திகழ்கிறது. அங்கு சிக்கிம் ஜனநாயக முன்னணியின் தலைவராக பவன் சாம்லிங் உள்ளார். கடந்த 1994ஆம் ஆண்டு டிசம்பர் 12ஆம் தேதி முதல்வராக பதவியேற்றார்.

அன்றிலிருந்து தொடர்ந்து 5 முறை ஆட்சி புரிந்து வருகிறார். இதன்மூலம் நீண்ட காலம் முதல்வராக இருந்த மேற்குவங்க முன்னாள் முதல்வரும், மறைந்த மார்க்சிஸ்ட் கம்யூனிஸ்ட் தலைவருமான ஜோதிபாசுவின் சாதனையை முறியடித்துள்ளார்.

ஜோதிபாசு 23 ஆண்டுகள் 137 நாட்கள் முதல்வராக இருந்ததே சாதனையாக இருந்தது. தற்போது 68 வயதாகும் சாம்லிங், 1985ல் முதல் முறையாக எம்.எல்.ஏவானார்.

1994ல் முதல் முறையாக முதல்வரானார். அன்றிலிருந்து 8,536 நாட்கள் முதல்வராக இருந்துள்ளார். அடுத்த ஆண்டு சிக்கிம் மாநில சட்டமன்ற தேர்தல் நடைபெறவுள்ளது குறிப்பிடத்தக்கது.

Pawan Chambling surpasses Jyoti Basu as India's longest Chief Minister.