ஓட்டுநர் வேலைக்குப் போட்டியிடும் முதுகலை, பொறியியல் பட்டதாரிகள்; இதுதாங்க உண்மையான குஜராத்!

காந்திநகர்: ஓட்டுநர் வேலைக்கு பட்டதாரிகள் அதிக அளவில் விண்ணப்பித்துள்ளனர்.

குஜராத் உயர்நீதிமன்றத்தின் கீழ் இயங்கும் நீதிமன்றங்களில் 24 ஓட்டுநர் பதவிகள் காலியாக இருப்பதாக அறிவிக்கப்பட்டுள்ளது. இதற்கு 10,300 விண்ணப்பங்கள் குவிந்தன.

இதற்கான கல்வித்தகுதி 12ஆம் வகுப்பு. ஆனால் விண்ணப்பித்தவர்களில் 55% பேர் இளநிலை, முதுகலை பட்டதாரிகள். மேலும் எம்.பி.ஏ, எம்.எஸ்.ஸி, எம்.டெக், எல்.எல்.பி மற்றும் பொறியியல் பட்டதாரிகளும் விண்ணப்பித்துள்ளனர்.

இதில் 7 பெண்களும் அடங்கும். கடந்த 2 ஆண்டுகளில் 12,689 பேருக்கு வேலைவாய்ப்பை அளித்துள்ளதாக மாநில அரசு கூறியுள்ளது. ஆனால் 4.95 லட்சம் பேர் வேலைக்காக பதிவு செய்து காத்திருப்பதாக எதிர்க்கட்சிகள் குற்றம்சாட்டியுள்ளன.

இந்த சூழலில் இந்தியாவிலேயே குஜராத் மாநிலத்தில் தான் வேலைவாய்ப்பின்மை சதவிகிதம் மிகக்குறைந்த அளவில், அதாவது 0.9% இருப்பதாக மத்திய அரசால் நிர்வகிக்கப்படும் தேசிய வேலைவாய்ப்பு தகவல் மையம் தெரிவித்துள்ளது.

PG graduates applied for drivers job at Gujarat High Court.