சவுதி சென்றடைந்தார் பிரதமர் மோடி

ரியாத்: மூன்று நாடுகளுக்கு அரசு முறை சுற்றுப்பயணம் மேற்கொண்டுள்ள பிரதமர் மோடி, இரண்டு நாடுகளின் பயணத்தை முடித்துக் கொண்டு மூன்றாவது நாடாக சவுதி அரேபியா சென்றடைந்தார்.

சவுதி சென்ற பிரதமர் மோடிக்கு சிறப்பான வரவேற்பு அளிக்கப்பட்டது. அந்நாட்டு இளவரசர் பைசல் பின் பந்தர் பின் அப்துல்லாஜிஸ் வரவேற்றார்.

தொடர்ந்து, சவுதி தலைநகர் ரியாத்தில் நடைபெற்ற வரவேற்பு உபசார நிகழ்ச்சியில் பிரதமர் மோடி கலந்து கொண்டார்.

முன்னதாக, முதல் நாடாக பெல்ஜியம் சென்ற மோடி, அங்கு நடைபெற்ற இந்திய - ஐரோப்பிய உச்சி மாநாட்டில் கலந்து கொண்டார். மேலும், பெல்ஜியம் தலைநகர் பிரஸ்ஸல்ஸ் குண்டுவெடிப்பில் பலியானோருக்கு அஞ்சலி செலுத்தினார்.

அதனையடுத்து அமெரிக்கா சென்ற பிரதமர் மோடி, அங்கு நடைபெற்ற அணு சக்தி பாதுகாப்பு உச்சி மாநாட்டில் கலந்து கொண்டார். தொடர்ந்து, தனது அமெரிக்க பயணத்தை முடித்துக் கொண்டு சவுதி சென்றடைந்துள்ளார்.