”மோடி எனக்கு ராமர்” ஆவேசமடைந்த மனைவி ஜசோதா பென்

பிரதமர் மோடி திருமணமாகாதவர் என்று தெரிவித்த மத்திய பிரதேச ஆளுநர் ஆனந்தி பென் பட்டேலுக்கு பதிலடி தரும் விதமாக மோடியின் மனைவி ஜசோதா பென் வீடியோ ஒன்றை வெளியிட்டுள்ளார்.

குஜராத்தில் பிரபலமான ’திவ்ய பாஸ்கர்’ பத்திரிக்கைக்கு , குஜராத் மாநில முன்னாள் முதலமைச்சரும், தற்போதைய மத்திய பிரதேச மாநிலத்தின் ஆளுநர் ஆனந்தி பென் பட்டேலை நேர்காணல் அளித்திருந்தார்.

சமீபத்தில் வெளியான இந்த பேட்டியில், பிரதமர் மோடி திருமணமாகதவர் என்றாலும் பெண்களின் நல்வாழ்விற்குரிய பல்வேறு நலத்திட்டங்களை அவ்ர் நிறைவேற்றியுள்ளார் என்று ஆனந்தி பென் தெரிவித்திருந்தார்.

இது மோடியின் மனைவி ஜசோதா பென்னுக்கு மிகுந்த அதிருப்தியை அளித்தது. இதனால் ஆனந்த் பென் பேச்சுக்கு கண்டனம் தெரிவிக்கும் விதமாக, அவர் கண்டன வீடியோ ஒன்றை வெளியிட்டுள்ளார்.

அதில், ஆனந்தி பென்னின் பேட்டி தனக்கு அதிர்ச்சியளிப்பதாகவும், மக்களவை தேர்தலுக்கான வேட்பு மனுதாக்கலின் போது தன்னை திருமணம் ஆனவர் என்றும், ஜசோதா பென் என்பவது தனது மனைவியின் பெயர் என மோடி குறிப்பிட்டிருந்தார்.

இதை சுட்டிக்காட்டி வீடியோவில் பேசிய ஜசோதா பென், குஜராத்தின் முன்னாள் முதல்வராக இருந்த நன்கு படித்த ஒரு பெண்மணியே, என்னை போன்ற சாதாரண ஆசிரியர் போல் பேசி உள்ளார் என்று ஆனந்தி பென் பட்டேலை அவர் கடுமையாக சாடியுள்ளார்.

மேலும், இந்திய பிரதமரின் தனிப்பட்ட வாழ்க்கைக்கு களங்கம் கற்பிக்கும் வகையில் ஆனந்திபென் பட்டேல் பேசியுள்ளார். மோடி எனக்கு மிகவும் மரியாதைக்கு உரியவர். அவர் எனக்கு ராமர் எனவும் ஜசோதா பென் அந்த வீடியோவில் பேசியுள்ளார்.