பெண்களின் குறைந்தபட்ச திருமண வயது... மோடி முக்கிய அறிவிப்பு!!

நாட்டின் 74 ஆவது சுதந்திர தினத்தையொட்டி பிரதமர் நரேந்திர மோடி டெல்லி செங்கோட்டையில் இன்று தேசியக்கொடி ஏற்றினார். அதன்பின் அவர் நாட்டு மக்களுக்கு ஆற்றிய உரையில் பேசியதாவது:

சுயதொழிலிலும், வேலைவாய்ப்பிலும் பெண்களுக்கு சமமான வாய்ப்புகளை வழங்க மத்திய அரசு உறுதி பூண்டுள்ளது. பெண்கள் இன்று நிலக்கரி சுரங்கங்களிலும் பணியாற்றுகின்றனர். போர் விமானங்களை ஓட்டி வானத்தையும் தொடுகின்றனர்.

பெண்களின் குறைந்தபட்ச திருமண வயதை மறுபரீசிலனை செய்ய மத்திய அரசு குழு அமைத்துள்ளது. அந்த குழு தாக்கல் செய்யும் அறிக்கையின் அடிப்படையில் அவர்களின் குறைந்தபட்ச திருமண வயதை நிர்ணயிப்பது தொடர்பாக உரிய முடிவு எடுக்கப்படும் என்று பிரதமர் தமது உரையில் குறிப்பிட்டார்.

Independence Day: பள்ளிகளில் கொடியேற்றுவது வெறும் சடங்குதானா?

நம் நாட்டில் பெண்களின் குறைந்தபட்ச திருமண வயது 18 ஆகவும், ஆண்களின் குறைந்தபட்ச திருமண வயது 21 ஆகவும் உள்ளதென்பது குறிப்பிடத்தக்கது.