பெல்ஜியம், அமெரிக்கா, சவுதிக்கு பிரதமர் மோடி பயணம்

புதுதில்லி: மூன்று நாடுகள் பயணமாக மார்ச் இறுதி மற்றும் ஏப்ரல் மாத துவக்கத்தில் அமெரிக்கா மற்றும் சவுதி அரேபியாவுக்கு பிரதமர் மோடி பயணம் மேற்கொள்கிறார்.

வருகிற மார்ச் 30-ம் தேதியன்று பெல்ஜியம் செல்லும் மோடி, ஐரோப்பா - இந்திய உச்சி மாநாட்டில் கலந்து கொள்கிறார். அதனையடுத்து, மெரிக்க தலைநகர் வாஷிங்டனில் நடைபெறும் அணு பாதுகாப்பு உச்சி மாநாட்டில் கலந்து கொண்டு உரையாற்றுகிறார். அதில், பாகிஸ்தான் பிரதமர் உள்பட சுமார் 50 நாட்டு தலைவர்கள் பங்கேற்பார்கள் என்று தெரிவிக்கப்பட்டுள்ளது.

மேற்கண்ட பயணங்களை முடித்துக் கொண்டு சவுதி அரேபியாவுக்கு, வருகிற ஏப்ரல் 2-ம் தேதியன்று செல்லும் அவர், இருநாட்டு உறவு, வர்த்தகம், எரிசக்தி உள்ளிட்டவைகள் குறித்து அந்நாட்டு அரசருடன் பேச்சுவார்த்தை நடத்துவார் என கூறப்படுகிறது.

இந்தியாவின் முக்கிய வர்த்தக கூட்டாளியாக திகழும் சவுதி நாட்டுடன் சில முக்கிய ஒப்பந்தங்கள் பிரதமரின் பயணத்தின் போது கையெழுத்தாகும் என எதிர்பார்க்கப்படுகிறது.