ஆப்நகரம்

அன்லாக் குறித்து வெளியாகிறது முக்கிய அறிவிப்பு - பிரதமர் இன்று ஆலோசனை!

கொரோனா வைரஸ் தொற்றைக் கட்டுப்படுத்தி இயல்பு நிலைக்குத் திரும்பும் வகையில் எடுக்கப்பட வேண்டிய நடவடிக்கை குறித்து மாநில முதலமைச்சர்கள் உடன் பிரதமர் மோடி இன்று ஆலோசனை நடத்துகிறார்.

Samayam Tamil 11 Aug 2020, 6:59 am
இந்தியாவில் கடந்த ஆறு மாதங்களாக கொரோனா வைரஸ் தொடர்ச்சியான பாதிப்புகளை ஏற்படுத்தி வருகிறது. இதனைக் கட்டுப்படுத்த மத்திய, மாநில அரசுகள் பல்வேறு நடவடிக்கைகளில் ஈடுபட்டு வருகின்றன. முதலில் ஊரடங்கு தீவிரமாக அமல்படுத்தப்பட்ட நிலையில், படிப்படியாக தளர்வுகள் அறிவிக்கப்பட்டு வருகின்றன. பல்வேறு தொழில்களும் முடங்கியுள்ளதால் அவற்றை மீட்டெடுத்து பொருளாதாரத்தை மேம்படுத்தும் வகையில் சலுகைகளும் அறிவிக்கப்பட்டுள்ளன. மத்திய அரசு பல்வேறு தளர்வுகளை அறிவித்தாலும் மாநில அரசுகள் கொரோனா பாதிப்பின் தீவிரத்தைப் பொறுத்து சில கட்டுப்பாடுகளை விதித்துள்ளன.
Samayam Tamil PM Modi meeting CMs


தொழில் நிறுவனங்கள், விற்பனைக் கூடங்கள் திறக்கப்பட்டாலும் பொதுப் போக்குவரத்திற்கு இன்னும் அனுமதி அளிக்கப்படவில்லை. இதனால் பொதுமக்கள் பெரும் சிரமத்திற்கு ஆளாகி வருகின்றனர். இன்று(ஆகஸ்ட் 11) காலை நிலவரப்படி இந்தியாவில் 22,67,153 பேருக்கு கோவிட்-19 தொற்று உறுதி செய்யப்பட்டுள்ளது. இதில் 15,81,640 பேர் குணமடைந்துள்ளனர். 45,353 பேர் பலியாகி இருக்கின்றனர். 6,39,693 பேர் தொடர் சிகிச்சை பெற்று வருகின்றனர்.

செப்டம்பர் 30 வரை ரயில்களுக்கு தடை? குழப்பும் இந்திய ரயில்வே!

நாட்டிலேயே அதிகபட்சமாக மகாராஷ்டிர மாநிலத்தில் 5,24,513 பேர் வைரஸ் தொற்றுக்கு ஆளாகியுள்ளனர். இதற்கடுத்த இடங்களில் தமிழ்நாடு (3,02,815), ஆந்திரப் பிரதேசம் (2,35,525), கர்நாடகா (1,82,354), டெல்லி (1,46,134), உத்தரப் பிரதேசம் (1,26,722) உள்ளிட்ட மாநிலங்கள் இருக்கின்றன. கொரோனா வைரஸ் பாதிப்பிற்கு உரிய மருந்துகள் ஏதும் கண்டுபிடிக்கப்படாத நிலையில் பரிசோதனைகளை தீவிரப்படுத்தி பாதிக்கப்பட்டவர்களை தனிமைப்படுத்துவது ஒன்றே தீர்வாக இருந்து வருகிறது.

அதேசமயம் தடுப்பு மருந்து கண்டுபிடிக்கும் வேலைகள் மறுபுறம் தீவிரமாக நடந்து கொண்டிருக்கின்றன. மத்திய, மாநில அரசுகள் கடைசியாக வெளியிட்ட அறிவிப்புகளின் படி வரும் ஆகஸ்ட் 31ஆம் தேதி வரை ஊரடங்கு அமலில் உள்ளது. இந்த சூழலில் கோவிட்-19 பாதிப்பு அதிகமுள்ள 10 மாநில முதலமைச்சர்களை வீடியோ கான்பரன்சிங் மூலம் ஆலோசனை நடத்த பிரதமர் மோடி அழைப்பு விடுத்துள்ளார். அவை,

1 - மகாராஷ்டிரா
2 - தமிழ்நாடு
3 - ஆந்திரப் பிரதேசம்
4 - கர்நாடகா
5 - டெல்லி
6 - உத்தரப் பிரதேசம்
7 - மேற்கு வங்கம்
8 - தெலங்கானா
9 - குஜராத்
10 - பீகார்

அடுத்த 45 நாட்களுக்கு இப்படித்தான்; உஷாரா இருங்க மக்களே!

ஆகிய மாநிலங்கள் ஆகும். இம்மாநில முதலமைச்சர்கள் உடன் இன்று காலை 10.30 மணிக்கு பிரதமர் ஆலோசனை நடத்தவுள்ளார். இதில் திரையரங்குகள் திறக்கப்படுவது, மெட்ரோ ரயில் சேவை, கல்வி நிறுவனங்கள் திறக்கப்படுவது உள்ளிட்டவை குறித்து ஆலோசனை நடத்தப்படும் என்று எதிர்பார்க்கப்படுகிறது.

அடுத்த செய்தி