அபுதாபி இந்து கோவில் அடிக்கல் நாட்டுவிழாவில் பிரதமர் மோடி பங்கேற்பு!

ஐக்கிய அரபு அமீரகத்திற்கு சென்றுள்ள பிரதமர் மோடி, அபுதாபியில் கட்டப்பட உள்ள முதல் இந்து கோயிலுக்கு இன்று அடிக்கல் நாட்ட உள்ளார்.

2015-ம் ஆண்டு பிரதமர் மோடி துபாய் சென்றிருந்தபோது, அங்குள்ள இந்துக்களின் வழிபாட்டுக்காகக் கோயில் கட்ட வேண்டும் என்று வேண்டுகோள் வைத்ததை தொடர்ந்து அதற்கு அமீரக அரசு சார்பில் அனுமதி அளிக்கப்பட்டது. மேலும் கோவிலின் கட்டுமான பணிகளை மேற்கொள்ள குஜராத் மாநிலத்தைச் சேர்ந்த சுவாமிநாராயண் அமைப்பிற்கு 25 ஆயிரம் சதுரஅடி நிலத்தை ஐக்கிய அமீரக அரசு வழங்கியது.
Temple Committee members presenting the temple literature to the Crown Prince of Abu Dhabi and PM @narendramodi. This will be the first stone temple to be built in Abu Dhabi off Dubai-Abu Dhabi highway. pic.twitter.com/Bw8sh6WW2d — Raveesh Kumar (@MEAIndia) February 10, 2018 இந்தநிலையில் ஜோர்டான், பாலஸ்தீனம் நாடுகளைத் தொடர்ந்து ஐக்கிய அரபு அமீரகத்திற்கு சென்றுள்ள பிரதமர் மோடி, அபுதாபி இளவரசர் அல் நெஹாயானுடன் ஆலோசனை நடத்தினார். இரு நாடுகளிடையே 5 ஒப்பந்தங்கள் கையெழுத்தாகி உள்ளன.

மேலும் இந்த பயணத்தின் முக்கிய அம்சமாக பிரதமர் நரேந்திர மோடி அபுதாபியில் இன்று நடைபெறவுள்ள கட்டப்பட உள்ள இந்து கோவிலின் அடிக்கல் நாட்டு விழாவில் பங்கேற்று கோவிலின் கட்டுமான பணிகளை மோடி தொடங்கிவைக்கிறார். அபுதாபியில் கட்டப்படும் முதல் இந்துக் கோயில் இது என்பதால் மிகவும் முக்கியத்துவம் வாய்ந்ததாக கருதப்படுகிறது.