யோகா மாஸ்டராக மாறிய பிரதமர் மோடி!!

பிரதமர் மோடி யோகா கற்றுக்கொடுக்கும் அனிமேஷன் வீடியோ தற்போது இணையத்தில் வைரலாகி வருகிறது.

பிரதமர் மோடி இந்திய மக்களை ‘மனதின் குரல்’ என்ற வானொலி நிகழ்ச்சியின் மூலம், இந்திய மக்களை தொடர்புகொண்டு வருகிறார். இதில், நாட்டின் வளர்ச்சியைப் பற்றியும் திட்டங்களைப் பற்றியும் பேசுவது வழக்கம்.

இந்நிலையில், இந்நிகழ்ச்சியின் 42வது ஒலிபரப்பிற்கு பின், பிரதமர் மோடி 3டி அனிமேஷன் வடிவில் முக்கோண ஆசனத்தை செய்து காட்டும் வீடியோ ஒன்று வெளியானது. இதில், பிரதமர் மோடி அனிமேஷன் உருவத்தில் ஆசனத்தை விளக்குகிறார்.

இந்த வீடியோ வெளியாவதற்கு முன் அந்நிகழ்ச்சியில் பேசிய பிரதமர் மோடி, “நான் யோகா ஆசிரியர் இல்லை, ஆனால் சிலர் படைப்புத் திறனை பயன்படுத்தி என்னை யோகா ஆசிரியாராக மாற்றியுள்ளனர். எனது 3டி வீடியோ ஒன்று உருவாக்கப்பட்டுள்ளது. அதை உங்கள் அனைவருடன் பகிர்வேன்” என்று தெரிவித்தார்.

மேலும், யோகா என்பது மிகப்பெரிய ஒரு மாற்றத்தை ஏற்படுத்தியுள்ளது. இப்போது யோகா அனைவரது இல்லத்திலும் அங்கமாக உள்ளது என்று தெரிவித்தார்.