பாஜகவை எதிர்க்கிறதா பாமக? ராமதாஸ் போட்ட ‘ட்விஸ்ட்’ ட்வீட்!

பாஜக ஆட்சியமைக்க தேசியவாத காங்கிரஸ் கட்சியைச் சேர்ந்த அஜித் பவார் தனது ஆதரவாளர்களுடன் இணைந்து ஆதரவளித்ததே காரணம். ஆனால் அஜித் பவாரை பாஜக தங்கள் பக்கம் இழுக்க அமலாக்கத் துறை விசாரணையைக் காரணம் காட்டியிருக்கலாம் என்று கூறப்படுகிறது.

மகாராஷ்டிரா: சட்டசபையில் பாஜக பெரும்பான்மையை நிரூபிக்குமா?

தேசியவாத காங்கிரஸ் கட்சி இரண்டாக பிளவுபட்டுள்ள நிலையில் இந்திய அளவில் எதிர்க்கட்சிகள் பாஜக - அஜித் பவார் ஆகியோரை விமர்சித்துவரும் நிலையில், பாஜக ஆதரவு கட்சிகள் முதல்வர் தேவேந்திர ஃபட்னவிஸ், துணை முதல்வராக பதவியேற்றுள்ள அஜித் பவார் ஆகியோருக்கு வாழ்த்து தெரிவித்து வருகின்றனர்.

மகாராஷ்டிரா: பாஜக - தேசியவாத காங்கிரஸ் கூட்டணி: முதல்வரானார் பட்னாவிஸ்

தமிழ்நாடு முதல்வர் எடப்பாடி பழனிசாமி, துணை முதல்வர் எடப்பாடி பழனிசாமி, சமத்துவ மக்கள் கட்சித் தலைவர் சரத் குமார் ஆகியோர் பாஜகவுக்கு வாழ்த்து தெரிவித்துள்ளனர். ஆனால் அதிமுக - பாஜக கூட்டணியில் இடம்பெற்றுள்ள பாமக அதிருப்தி தெரிவித்துள்ளது.

மகாராஷ்டிரா: சிவசேனா தலைமையில் ஆட்சி அமைப்பது உறுதி- சரத் பவார்

மகாராஷ்டிரா அரசியல் சூழல் குறித்து ராமதாஸ் வெளியிட்டுள்ள ட்விட்டர் பதிவில், “மராட்டியத்தில் தேசியவாத காங்கிரஸ் கட்சியின் ஒரு பிரிவுடன் இணைந்து ஆட்சியமைத்தது பாரதிய ஜனதா. காலை நாளிதழ் செய்திகளில் சிவசேனா ஆட்சி. காலை தொலைக்காட்சி செய்திகளில் பாஜக ஆட்சி. மராட்டியத்தில் சந்தர்ப்பவாத அரசியல் எவ்வளவு வேகமாக பயணிக்கிறது என்பதற்கு இதுவே சாட்சி” என்று குறிப்பிட்டுள்ளார்.