விபத்தில் சிக்கிய மோடியின் தம்பி; பாஜ வட்டாரத்தில் பரபரப்பு!

இந்திய பிரதமராக இருப்பவர் நரேந்திர தாமோதர்தாஸ் மோடி (Narendra Damodardas Modi). மேலும் பாரதிய ஜனதா கட்சியின் முக்கிய பிரமுகர்களில் ஒருவராகவும் பிரதமர் மோடி இருந்து வருகிறார்.

நடுத்தர குடும்பத்தில் வாட்நகர் என்னும் இடத்தில் பிரதமர் நரேந்திர மோடி பிறந்தார். தாமோதர் தாஸ் முல்சந் மோடி மற்றும் கீரபேன் தம்பதிக்கு பிறந்த 6 குழந்தைகளில் நரேந்திர மோடி 3வது குழந்தையாக பிறந்தவர்.

நரேந்திர மோடி ஏற்கனவே அக்டோபர் 7, 2001 முதல் மே 22, 2014 வரை குஜராத் மாநில முதல் அமைச்சராகவும் பதவியில் இருந்து உள்ளார். பிரதமர் நரேந்திர மோடி தன்னுடைய 8 வயதில் ராட்டிரிய சுவயம்சேவக் சங்கத்தில் (ஆர்எஸ்எஸ்) சேர்ந்ததாக கூறப்படுகிறது.

கொரோனா.. முதல்வர் அதிரடி உத்தரவு; அமைச்சர் வெளியிட்ட பரபரப்பு தகவல்!
இவரது மனைவியின் பெயர் ஜசோதாபென் என, கடந்த 2014ம் ஆண்டுக்கான வதோதரா நாடாளுமன்றத் தொகுதி தேர்தலுக்கான வேட்பு மனுவில் குறிப்பிட்டுள்ளதாக தகவல்கள் தெரிவிக்கின்றன.

பிரதமர் நரேந்திர மோடியின் இளைய சகோதரர் பிரகலாத் மோடி. இவர், தற்போது பெரிய சாலை விபத்து ஒன்றில் சிக்கி இருப்பதாக தகவல்கள் வெளியாகி பெரும் பரபரப்பை ஏற்படுத்தி உள்ளது.

கர்நாடகா மாநிலம், மைசூர் நகரில் இருந்து 14 கிலோ மீட்டர் தொலைவில் கட்கோலோ என்கிற கிராமம் அமைந்து உள்ளது. இதன் வழியாக இன்று மதியம் பிரதமர் நரேந்திர மோடியின் இளைய சகோதரர் பிரகலாத் மோடி (69) தனது காரில் பயணம் செய்து உள்ளார்.

யாருடன் கூட்டணி? எடப்பாடி தடாலடி; அதிமுக-பாஜக வட்டாரத்தில் பரபரப்பு!
அவரது டிரைவர் சத்திரநாராயணன் காரை இயக்க பிரதமர் மோடியின் தம்பி பிரகலாத் மோடி மற்றும் அவரது மகன் மேகுல் மோடி, மருமகள் ஜினாள், பேரன் மஹரத் உள்ளிட்டோர் காருக்குள் இருந்து உள்ளனர்.

அப்போது, எதிர்பாராத விதமாக டிரைவரின் கட்டுப்பாட்டை இழந்த கார் சாலையில் இருந்த டிவைடரில் மோதி விபத்துக்கு உள்ளானது. இதனால் பதறிப்போன இந்த குடும்பத்தினர் அலறி கூச்சலிட்டு கத்தி உள்ளனர்.

இவர்களது அலறல் சத்தம் கேட்டு அப்பகுதி மக்கள் ஓடி வந்து பார்த்து அதிர்ச்சி அடைந்தனர். பின்னர், காரில் இருந்த அனைவரையும் மீட்டு மைசூர் ஜேஎஸ் தனியார் மருத்துவமனையில் சிகிச்சைக்காக சேர்த்தனர்.

கலெக்டரின் அந்த 6 நிமிடங்கள்; அதிர்ச்சியில் பொதுமக்கள்!
அங்கு நடத்தப்பட்ட பரிசோதனையில் பிரதமர் மோடியின் தம்பி பிரகலாத் மோடிக்கு காலில் எலும்பு முறிவு ஏற்பட்டது தெரிய வந்தது. இதையடுத்து காயம் அடைந்த பிரகலாத் மோடி மற்றும் குடும்ப உறுப்பினர்களுக்கு தீவிர சிகிச்சை அளிக்கப்பட்டு வருகிறது.

இந்த சாலை விபத்து சம்பவத்தால் அந்த பகுதியில் பெரும் பரபரப்பு ஏற்பட்டு உள்ளது. மேலும் இந்த சம்பவம் பாஜக வட்டாரங்களிலும் பெரும் பரபரப்பை ஏற்படுத்தி உள்ளது.