இந்தியாவில் வாழத்தகுதியான நகரமாக புனே தேர்வு- டாப்-10ல் தமிழகம் இல்லை

இந்தியாவில் வாழத் தகுதியான நகரங்களுக்கான பட்டியலில் புனே முதலிடத்தை பிடித்துள்ளது. இந்த பட்டியலில் தமிழ்நாட்டின் எந்த நகரமும் முதல் 10 இடங்களுக்குள் இடம்பெறவில்லை.

கல்வி, சுகாதாரம், பொருளாதாரம் மற்றும் செயல்பாடு ஆகியவற்றை அடிப்படையாக வைத்து நகர்ப்புற விவகாரங்களுக்கான அமைச்சகம் தேசியளவில் ஆய்வு மேற்கொண்டது.

இதன் முடிவில் இந்தியாவில் வாழத் தகுதியான நகரங்களுக்கான பட்டியலில் மஹாராஷ்டிராவின் புனே நகரம் முதலிடத்தை பிடித்துள்ளது. இதற்கு அடுத்தடுத்த இடங்களில் நவி மும்பை மற்றும் கிரேட்டர் மும்பை ஆகியவை இடம்பெற்றுள்ளன.


நான்கவதாக ஆந்திரா மாநிலத்தின் திருப்தி, 5வது இடத்தில் ஹரியானாவின் சண்டிகர் ஆகியவை இடம்பெற்றுள்ளன. அதிகளவில் நகரங்களை கொண்ட மாநிலங்களில் ஒன்றான தமிழகத்தின் எந்த நகரமும் பட்டியலில் முதன்மையான 10 இடங்களுள் வரவில்லை.

ஆனால் நகர்ப்புற விவகாரங்களுக்கான அமைச்சகம் வெளியிட்டுள்ள இந்த பட்டியலில் திருச்சி 12வது இடத்தை பெற்றுள்ளது. உத்தர பிரதேசத்தின் ராம்பூர் இந்த பட்டியலில் 10வது இடத்தை கைப்பற்றியுள்ளது.

வாழத் தகுதியான நகரங்களுக்கான பட்டியலில் 6வது இடத்தில் மஹாராஷ்டிராவின் தானா, 7வது இடத்தில் சட்டீஸ்கரின் ராய்பூர், 8வது இடத்தை மத்திய பிரதேசத்தின் இந்தோர், 9வது இடத்தில் ஆந்திராவின் விஜயவாடா, 10வது இடத்தில் ம.பி-யின் போபால் ஆகிய நகரங்கள் இடம்பெற்றுள்ளன.