ரேஸ் கோர்ஸ் சாலையின் பெயர் மாற்றம்

புதுதில்லி: பிரதமர் இல்லம் அமைந்துள்ள ரேஸ் கோர்ஸ் சாலையின் பெயர் மாற்றம் செய்யப்பட்டுள்ளது.

பிரதமரின் அதிகாரப்பூர்வ இல்லம் அமைந்திருக்கும் ரேஸ் கோர்ஸ் சாலையின் பெயர் "லோக் கல்யாண் மார்க்" என மாற்றம் செய்ய தீர்மானிக்கப்பட்டுள்ளது.

தில்லி முதல்வர் அரவிந்த் கெஜ்ரிவால் தலைமையில் தில்லி நகராட்சி கவுன்சில் கூட்டத்தில் பெயர் மாற்றம் குறித்த தீர்மானம் நிறைவேற்றப்பட்டுள்ளது.

முன்னதாக, பிரதமரின் இல்லம் அமைந்துள்ள ரேஸ் கோர்ஸ் சாலையின் பெயரை "ஏகாத்மா சாலை" என மாற்றம் செய்யப்பட வேண்டும் என்று பாஜக எம்பி-யான மீனாக்ஷி லேக்கி, நகர்புற மேம்பாட்டுத்துறைக்கு எழுதியுள்ள கடிதத்தில் கோரிக்கை விடுத்திருந்தார்.

இந்நிலையில், ரேஸ் கோர்ஸ் சாலையின் பெயர் "லோக் கல்யாண் மார்க்" என மாற்றப்படவுள்ளது. விரைவில் புதிய பெயருடன் கூடிய பெயர் பலகையும் அங்கு வைக்கப்படும் என எதிர்பார்க்கப்படுகிறது.