ஆக்‌ஷன் ஹீரோவான ராகுல் காந்தி.!

காங்கிரஸ் துணைத் தலைவர் ராகுல்காந்தி, தற்காப்புக் கலையில் ஈடுபடுவது போன்ற புகைப்படம் சமூக வலைதளங்களில் தற்போது வேகமாகப் பரவி வருகிறது.



ஜப்பானிய தற்காப்புக் கலையான அய்கிடோ-வில், ராகுல் பயிற்சியில் ஈடுபடும் புகைப்படங்கள் வெளியாகியுள்ளன. இதில் அவர், கறுப்பு நிற பெல்ட் அணிந்து மற்றொருவரைத் தாக்குகிறார். இந்த புகைப்படங்களை காங்கிரஸ் கட்சியின் சமூக வலைதளப் பொறுப்பாளரும், நடிகையுமான திவ்யா ஸ்பந்தனா வெளியிட்டுள்ளார்.


கடந்த வாரம் குஜராத்தில் நடைபெற்ற நிகழ்ச்சி ஒன்றில், குத்துச்சண்டை வீரர், விஜேந்தர் சிங், அரசியல்வாதிகள் அரிதாகவே விளையாட்டை மேம்படுத்துவதாகவும், பங்கேற்பதாகவும் கூறியிருந்தார். அதற்கு பதிலளித்த ராகுல்காந்தி, தாம் அய்கிடோ-வில் பிளாக் பெல்ட் பெற்றவர் என்று கூறியிருந்தார். இதை நிரூபிக்கும் விதமாக, புகைப்படம் வெளியிடப்பட்டது.

Rahul Gandhi aikido photos viral in websites