கல்யாணம் பற்றி வாயைத் திறந்த ராகுல்.!

காங்கிரஸ் துணைத் தலைவர் ராகுல்காந்தியிடம் எப்போது திருமணம் செய்து கொள்ளப்போகிறீர்கள் என்ற கேள்விக்கு, எப்போது நடக்க வேண்டுமோ அப்பொழுது நடக்கும் என்று பதிலளித்துள்ளார்.

புதுடெல்லியில் நடைபெற்ற நிகழ்ச்சியில், ராகுல் கலந்து கொண்டார். அப்போது பணமதிப்பிழப்பு நீக்கம் மற்றும் ஜிஎஸ்டி இரண்டும் மக்களின் மார்பில் செலுத்தப்பட்ட இரண்டு குண்டுகள் எனவும் எல்லா பணமும் கருப்பு பணம் இல்லை என்று கூறினார்.

அதன்பின், பார்வையாளர்களின் கேள்விகளுக்கு ராகுல் பதிலளித்தார். அப்போது குத்துச்சண்டை வீரர் விஜேந்தர் சிங் ராகுலிடம் எப்போது திருமணம் செய்து கொள்ள போகிறார்? என்றும் இதை தெரிந்து கொள்ள அனைவரும் ஆர்வமாக காத்திருக்கிறார்கள் என்றும் கேள்வியெழுப்பினார். ஒருவேளை பிரதமர் ஆன பிறகு திருமணம் செய்து கொள்ளலாம் என முடிவு செய்துள்ளீர்களா என்றார்.

இதற்கு பதிலளித்த ராகுல், அது எப்போது நடக்க வேண்டுமோ அப்பொழுது நடக்கும். நான் விதியை நம்புகிறவன் என்று கூறிவிட்டு, சிரித்தபடி அங்கிருந்து நகர்ந்து விட்டார். காங்கிரஸ் துணைத் தலைவர் ராகுல்காந்திக்கு தற்போது 47 வயதாவது குறிப்பிடத்தக்கது.

Rahul Gandhi answer for his marriage.