லோக் சபாவில் தூங்கிய ராகுல் காந்தி!

மக்களவையில் சூடான விவாதம் நடந்து கொண்டிருந்த போது ராகுல் காந்தி தூங்கிக்கொண்டிருந்த வீடியோ வெளியாகி உள்ளது.

டெல்லி : குஜராத்தில் பசுவின் தோலை உரித்ததாக குற்றம் சாட்டப்பட்ட நான்கு தலித் இளைஞர்களை பொது இடத்தில் வைத்து சரமாரியாக தாக்கியுள்ளனர். தாக்கியதை வீடியோ பதிவு செய்து இணையத்திலும் வெளியிட்டனர். இதனால் மாநிலத்தின் பல்வேறு இடங்களில் போராட்டம் வெடித்தது. மேலும் இந்த தாக்குதலுக்கு உடனடி நடவடிக்கை எடுக்கக்கோரி ஏழு தலித் இளைஞர்கள் விஷம் குடித்து தற்கொலைக்கு முயன்றனர். அவர்களுக்கு மருத்துவமனையில் சிகிச்சை அளிக்கப்பட்டது. இதற்கு பல்வேறு அரசியல் கட்சித்தலைவர்கள் கண்டனம் தெரிவித்தனர். இந்தப்பிரச்னை இன்று மக்களவையிலும் எதிரொலித்தது. இந்த தாக்குதல் சம்பவம் குறித்து விவாதம் நடந்து கொண்டிருந்த போது ராகுல் காந்தி தூங்கிக்கொண்டிருந்த காட்சி வெளியாகி உள்ளது. தாக்கப்பட்ட இளைஞர்களை ராகுல் காந்தி நேரில் சென்று ஆறுதல் கூறவுள்ளார் என்பது குறிப்பிடத்தக்கது.