ராகுல் காந்தி பிரதமா் நரேந்திர மோடியை ராகுல் காந்தி கட்டிப்பிடிக்கும் போது அவரது உடலில் விஷ ஊசி போடப்பட்டிருக்கலாம் என்று சுப்பிரமணியன் சுவாமி சா்ச்சையை கிளப்பி உள்ளாா்.
பிரதமா் நரேந்திர மோடி தலைமையிலான மத்திய அரசுக்கு எதிராக தெலுங்கு தேசம் கட்சி மக்களவையில் நம்பிக்கை இல்லா தீா்மானம் கொண்டு வந்தது. இந்த தீா்மானம் மீது வெள்ளிக்கிழமை வாக்கெடுப்பு நடத்தப்பட்டது. இருப்பினும் போதிய ஆதரவு இல்லாத காரணத்தால் நம்பிக்கை இல்லா வாக்கெடுப்பு தோல்வியுற்றது.
நம்பிக்கை வாக்கெடுப்பிற்கு முன்னதாக தீர்மானம் மீது விவாதம் நடைபெற்றது. விவாதத்தின் போது மத்திய அரசுக்கு எதிராக பல குற்றச்சாட்டுகளை முன்வைத்த காங்கிரஸ் கட்சியின் தலைவா் ராகுல் காந்தி தனது உரை முடிவடைந்ததும் பிரதமா் மோடியை கட்டியணைத்தாா். ராகுல் மோடியை கட்டிப்பிடித்த சம்பவம் பெரும் சலசலப்பை ஏற்படுத்தியது.
இந்நிலையில் காங்கிரஸ் கட்சியின் மூத்த தலைவரும், நாடாளுமன்ற உறுப்பினருமான சுப்பிரமணியன் சுவாமி இது தொடா்பாக ட்விட்டா் பக்கத்தில் கருத்து தெரிவித்துள்ளா்ா. அவா் வெளியிட்டுள்ள பதிவில், “பிரதமா் மோடி, ராகுல் காந்தி தன்னை கட்டியணைக்க அனுமதித்திருக்கக் கூடாது. ரஷ்யா்களும், கொரியா்களும் விஷ ஊதி செலுத்தி தங்கள் எதிரிகளை வீழ்த்த இந்த முறையை கடைபிடிக்க முயல்வாா்கள் என்று குறிப்பிட்டுள்ளா்ா.
மேலும், பிரதமா் மோடி உடனடியாக மருத்துவமனைக்கு சென்று தனது உடலில் ஏதேனும் விஷ ஊசி செலுத்தப்பட்டுள்ளதா என்று பாா்க்க வேண்டும். சுனந்தா புஷ்கா் உடலிலும் இதே போன்று விஷ ஊசி செலுத்தப்பட்டிருந்தது” என்றும் அவா் குறிப்பிட்டுள்ளாா். ராகுல் காந்தி குறித்து சுப்பிரமணியன் சுவாமி கூறியிருப்பது சா்ச்சையை ஏற்படுத்தி உள்ளது.