இலவச இன்சூரன்ஸை ரத்து செய்ய ரயில்வே முடிவு

ரயில் முன்பதிவுடன் இலவசமாக பயணக் காப்பீடு வழங்கும் திட்டத்தை ரத்துசெய்ய ரயில்வே முடிவு செய்துள்ளது.

ரயில் டிக்கெட் முன்பதிவு செய்யும் போது பயணக் காப்பீட்டையும் இலவசமாக பெறும் வசதியை மத்திய அரசு கடந்த டிசம்பர் 2017ல் அறிமுகப்படுத்தியது. இதன்படி டிக்கெட் முன்பதிவு செய்யும்போது காப்பீடு வேண்டுமா? வேண்டாமா? என்பதை முடிவுசெய்யும் வசதி உள்ளது.

இந்த காப்பீட்டின் கீழ் பயணத்தில் துரதிஷ்டவசமாக விபத்து ஏற்பட்டு ஒருவர் உயிரிழந்தால் அவருக்கு ரூ.10 லட்சம் காப்பீட்டுத் தொகை கிடைக்கும். உடல் உறுப்புகளை இழக்க நேரிட்டால் ரூ.6.5 லட்சமும் காயமடைந்தால் ரூ.10,000 முதல் ரூ.2 லட்சம் வரையும் கிடைக்கும்.

இதனை வரும் செப்டம்பர் 1ஆம் தேதி முதல் ரத்துசெய்வதாக ரயில்வே அறிவித்துள்ளது.