கனமழை காரணமாக கார் மீது மரம் விழுந்து மூன்று பேர் பலி!

பெங்களூர்: பெங்களூருவில் பெய்து வரும் கனமழை காரணமாக கார் மீது மரம் சரிந்து விழுந்த விபத்தில் 3 பேர் பரிதாபமாக உயிரிழந்தனர்.

கர்நாடக மாநிலம் பெங்களூரில் கனமழை பெய்து வருகிறது. மினர்வா பகுதியில் காரில் சென்று கொண்டிருந்தவர்கள் மழை காரணமாக ஓரத்தில் இருந்த மரத்தின் கீழே காரை நிறுத்தியுள்ளனர்.

சுமார் 1 மணி நேரத்திற்கும் மேலாக மழை நிற்காமல் பெய்து கொண்டிருந்தது. அப்போது திடீரென அந்த மரம் காரின் மீது விழுந்தது. இதில், கார் அப்பளம் போல நசுங்கியது. இந்த விபத்தில் காரின் உள்ளே இருந்த ஒரு பெண் உள்பட 3 பேர் சம்பவ இடத்திலேயே பரிதாபமாக பலியாகினர்.

மேலும் இருவர் லேசான காயங்களுடன் உயிர் தப்பி மருத்துவமனையில் சிகிச்சைக்காக அனுமதிக்கப்பட்டுள்ளனர்.

Three people died on Friday evening when a large tree fell on their car at Minerva Circle on J.C. Road. The heavy rain and winds that lashed the city may have also claimed the life of an 18-year-old, who was reported missing after falling into a drain at Sheshadripuram.