பொருளாதாரத்திற்கு நோபல் பரிசு பெற்ற அமெரிக்க பேராசியர்: பணமதிப்பிழப்பை ஆதரித்தவர்

பொருளாதாரத்திற்கான நோபல் பரிசு பெறும் அமெரிக்க பேராசிரியர் இந்திய அரசின் ரூபாய் நோட்டு ஒழிப்பு நடவடிக்கைக்கு ஆதரவு தெரிவித்தவராம்.

பொருளாதாரத்துக்கான நோபல் பரிசை அமெரிக்காவின் சிகாகோ பல்கலைக்கழக பேராசிரியரும், சிறந்த பொருளாதார வல்லுனருமான ரிச்சர்டு தாலர் பெற்றுள்ளார்.


பொருளாதாரத்தின் உளவியல் குறித்த தாலரின் புரிதலுக்காகவும், பொருளாதாரத்தில் அவரது சிறந்த பணிக்காகவும் இந்த பரிசு வழங்கப்படுவதாக நோபல் பரிசு குழு அறிவித்து உள்ளது.

மனிதனின் குணாதிசயங்கள் தனிமனித முடிவுகளையும், சந்தை விளைவுகளையும் எவ்வாறு பாதிக்கிறது என்பதை தாலரின் ஆராய்ச்சிகள் காட்டுவதாக சுவீடிஷ் அறிவியல் அகாடமி கூறியுள்ளது.

முன்னதாக பொருளாதாரத்துக்கான நோபல் பரிசு பெற வாய்ப்புள்ளவர்கள் என ‘கிளாரிவேட் அனாலிடிக்ஸ்’ அமைப்பு வெளியிட்ட பட்டியலில் இந்திய ரிசர்வ் வங்கியின் முன்னாள் கவர்னரான ரகுராம் ராஜனின் பெயரும் இடம் பெற்று இருந்தது.

ரகுராம் ராஜனுக்கு இந்த பரிசு கிடைக்கக்கூடும் என எதிர்பார்க்கப்பட்ட நிலையில், ரிச்சர்டு தாலருக்கு நோபல் பரிசு வழங்கப்படுகிறது.

இந்திய அரசு கடந்த ஆண்டு நவம்பர் மாதம் உயர்மதிப்புடைய 500 மற்றும் 1000 ரூபாய் நோட்டுக்களை செல்லாது என அறிவித்தது. இந்த நடவடிக்கைக்கு நோபல் பரிசு பெற்ற ரிச்சர்டு தாலர் ஆதரவு தெரிவித்துள்ளார்.

ஆனால் 2000 ரூபாய் அறிமுகப்படித்தியதுக்கு கடும் எதிர்ப்பையும் தெரிவித்துள்ளார்.

richard thaler winner 2017 supports modi demonetization