கன்ஹையா குமார் நாக்கை துண்டித்தால் 5 லட்சம் பரிசு

உத்தர பிரதேசம்: ஜவஹர்லால் நேரு பல்கலைக்கழக மாணவர் கன்ஹையா குமாரின் நாக்கை துண்டிப்போருக்கு 5 லட்சம் பரிசு அளிப்பதாக பாஜக இளைஞர் அணி தலைவர் கூறியிருப்பது சர்ச்சையை ஏற்படுத்தியுள்ளது.

உத்தர பிரதேச மாநிலம் படவ்ன் மாவட்டத்தைச் சேர்ந்த குல்தீப் வர்ஷ்னே, பாஜக மாவட்ட இளைஞர் அணி தலைவராக இருந்து வருகிறார்.

இது குறித்து அவர் கூறுகையில், 'கன்ஹையா குமார் தெடர்ந்து தேச விரோத செயலில் ஈடுப்படுவதாகவும் , தீவிரவாதி அப்சல் குருவுக்கு ஆதரவாகவும், பாரத பிரதமர் நரேந்தர மோடிக்கு எதிராகவும் பேசி வருகிறார், எனவே அவரது பேச்சை சகிக்க முடியாமல் இந்த 'பரிசு'(நாக்கை துண்டிப்பது) வழங்கவிருப்பதாக' தெரிவித்தார்.

முன்னதாக , ஜவஹர்லால் நேரு பல்கலைக்கழக மாணவர் சங்க தலைவர் கன்ஹையா குமாருக்கு டெல்லி உயர்நீதிமன்றம் கடந்த புதன்கிழமை ஜாமீன் வழங்கி, வியாழக்கிழமை வடுவித்தது குறிப்பிடத்தக்கது.