ஆபாச வீடியோ விவகாரம்: கட்சியில் இருந்து எம்எல்ஏ நீக்கம்

புதுதில்லி: ஆபாச வீடியோ வெளியான விவகாரத்தில் சந்தீப் குமாரின் அமைச்சர் பதவி பறிக்கப்பட்ட நிலையில், அவரை கட்சியில் இருந்து நீக்கி கெஜ்ரிவால் உத்தரவிட்டுள்ளார்.

தில்லி குழந்தைகள் மற்றும் சமூக நீதித்துறை அமைச்சர் சந்தீப் குமார் குறித்த ஆபாச குறுந்தகடு ஒன்று வெளியாகி பரபரப்பை ஏற்படுத்தியது. அந்த குறுந்தகடில் அமைச்சர், பெண் ஒருவருடன் நெருக்கமாக இருப்பது போன்ற காட்சிகளும், புகைப்படங்களும் இருந்துள்ளது. இதனையடுத்து உடனடியாக அவரை அமைச்சர் பதவியில் இருந்து நீக்கி தில்லி முதல்வர் அரவிந்த் கெஜ்ரிவால் நடவடிக்கை எடுத்தார்.

இந்நிலையில், அவரை ஆம்ஆத்மியின் அடிப்படை உறுப்பினர் உள்ளிட்ட அணைத்து பொறுப்புகளில் இருந்தும் நீக்கி அக்கட்சியின் ஒருங்கிணைப்பாளர் கெஜ்ரிவால் அதிரடி உத்தரவு பிறப்பித்துள்ளார்.

கடந்த 2015-ஆம் ஆண்டு, தில்லியில் ஆம்ஆத்மி அரசு பொறுப்பேற்ற பிறகு பதவி நீக்கம் செய்யப்படும் 3-வது அமைச்சர் சந்தீப் குமார் என்பது குறிப்பிடத்தக்கது. இதற்கு முன் ஆசிம் அகமது கான் ஊழல் புகார்கள் காரணமாகவும், ஜிதேந்தர் சிங் டோமர் போலி கல்வி சான்றிதழ் விவகாரம் தொடர்பாகவும் பதவிநீக்கம் செய்யப்பட்டனர்.