வங்கி கணக்கை மூட கட்டணம் இல்லை: எஸ்பிஐ வங்கி அறிவிப்பு!

இந்தியாவின் மிகப்பெரிய வங்கியான ஸ்டேட் பாங்க் ஆஃப் இந்தியா தங்களது வங்கி சேமிப்பு கணக்கை மூடினால் கட்டணம் வசூலிக்கப்படமாட்டாது என
எஸ்பிஐ வங்கி நிர்வாகம் தெரிவித்துள்ளது.

எஸ்பிஐ வங்கியில் சேமிப்பு கணக்குகளை மூட கணக்கு திறக்கப்பட்ட 14 நாட்கள் தவிர அனைத்து நிலைகளிலும் 500 ரூபாயை கட்டணமாக செலுத்த வேண்டியிருந்தது. கடந்த ஒரு வருடமாக இந்த நடைமுறை இருந்தது.

சேமிப்பு கணக்கில் குறைந்தபட்சம் இருப்பு தொகையை வைக்க வேண்டும் என சமீபத்தில் எஸ்.பி.ஐ., அறிவித்தது. இதை கடைப்பிடிக்காதவர்களுக்கு அபாரத தொகை வசூலிக்கப்படும் என தெரிவித்தது.

இதனால் மக்கள் அதிகளவில் கணக்கை மூட திட்டமிட்டனர். சில நாட்களுக்கு முன் மக்களின் நிலையை கண்டு குறைந்தபட்ச இருப்பு தொகை அளவை குறைத்த எஸ்.பி.ஐ., தற்போது கணக்கை மூடுவதற்குமான கட்டணத்தையும் நீக்கியுள்ளது.

ஆனால் சேமிப்பு கணக்கு திறக்கப்பட்ட 14 நாள் முதல் 1 வருடம் ஆன கணக்குகளை மூடினால் மட்டும் ரூ. 500 + ஜிஎஸ்டி வரி வசூலிக்கப்படும் என எஸ்பிஐ வங்கி நிர்வாகம் அறிவித்துள்ளது.

Savings Bank Account Closure Charges waived by SBI