சம்பள விஷயத்தில் நீதிபதிகளை நன்கு கவனிக்கும் மத்திய அரசு!

நீதிபதிகளுக்கான அகவிலைப்படியை உயர்த்தி மத்திய சட்ட அமைச்சகம் அறிவித்துள்ளது.

நாடு முழுவதும் உள்ள உயர்நீதிமன்றங்கள் மற்றும் உச்சநீதிமன்றத்தின் நீதிபதிகள் அனைவருக்கும் வழங்கப்பட்டுவரும் அகவிலைப்படி 139 சதவீதம் உயர்த்தப்பட்டுள்ளது. இது குறித்த சுற்றறிக்கையை மத்திய சட்ட அமைச்சகத்தின் நீதித்துறை பிரிவு நீதிமன்றங்களுக்கு அனுப்பியுள்ளது.

ஜூலை 1ஆம் தேதி முன்தேதி இட்டு இந்த அகவிலைப்படி வழங்கப்படும் என்றும் தெரிவிக்கப்பட்டுள்ளது.

அனைத்து நீதிபதிகளுக்கும் தற்போது மத்திய அரசின் ஆறாவது ஊதியக்குழு பரிந்துரைகள் அடிப்படையில் சம்பளம் வழங்கப்படுகிறது. தற்போது, ஏழாவது ஊதிக்கழு பரிந்துரைப்படி நீதிபதிகளுக்கு சம்பளத்தை உயர்த்தி வழங்க வேண்டும் என்று மத்திய அமைச்சரவைக்கு கோரிக்கை மனு அனுப்பப்பட்டுள்ளது.

இந்த மனு அடுத்த சில நாட்களில் அமைச்சரவை ஒப்புதலைப் பெறும் என்றும் கூறப்படுகிறது.