ரயில் டிக்கெட்: டெபிட், கிரடிட் கார்டு பயன்படுத்தினால் ரூ. 30 சேவை வரி ரத்து

டெபிட் மற்றும் கிரிடிட் கார்டுகளைப் பயன்படுத்தி ஆன்லைனில் டிக்கெட் முன்பதிவு செய்பவர்களுக்கு ரூ.30 சேவை வரி ரத்து செய்யப்படும் என ரயில்வே அறிவித்துள்ளது.

ரயில் பயணிகள் பெரும்பாலும் ஆன்லைன் மூலம் தங்களது டிக்கெட்டுகளை முன் பதிவு செய்து வருகின்றனர். இந்த டிக்கெட் முன்பதிவுக்கு கிரடிட் மற்றும் டெபிட் கார்டுகளை பயன்படுத்துபவர்கள்தான் அதிகம். இவ்வாறு ஆன்லைனில் முன்பதிவு செய்யும்போது, சேவை வரியாக ரூ. 30 கூடுதலாக முன் பதிவு கட்டணத்திற்கு ரயில்வே நிர்வாகம் வசூலித்து வந்தது.

இந்நிலையில் டெபிட் மற்றும் கிரிடிட் கார்டுகளை பயன்படுத்தி ஆன்லைனில் டிக்கெட் முன்பதிவு செய்பவர்களுக்கு ரூ.30 சேவை வரி ரத்து செய்யப்படும் என ரயில்வே நிர்வாகம் அறிவித்துள்ளது. வரும் ஜூன் 1ம் தேதி முதல் இந்த சேவை வரி ரத்து திட்டம் அமலுக்கு வருகிறது.

ஆன்லைன் மூலம் டிக்கெட் முன்பதிவு செய்பவர்களின் எண்ணிக்கையை அதிகரிக்கவே இந்த திட்டத்தை ரயில்வே நிர்வாகம் அறிமுகப்படுத்தியுள்ளது என்று தெரிய வந்துள்ளது.