உ.பி., தேர்தல்: காங்கிரஸ் கட்சியின் முதலமைச்சர் வேட்பாளராக ஷீலா தீட்சித் அறிவிப்பு

உத்தரப்பிரதேச மாநிலத்தில் நடைபெற உள்ள சட்டப்பேரவைத் தேர்தலில், காங்கிரஸ் கட்சியின் முதலமைச்சர் வேட்பாளராக ஷீலா தீட்சித் அறிவிக்கப்பட்டுள்ளார்.

ஏற்கனவே, 3 முறை டெல்லி மாநில முதலமைச்சராக திறம்பட செயலாற்றி வந்த ஷீலா தீட்சித் மீது தற்போது ஊழல் குற்றச்சாட்டு எழுந்துள்ளது. இதுதொடர்பாக, விசாரணைக்கு ஆஜராகும்படி டெல்லி மாநில ஊழல் தடுப்புப் பிரிவு அவருக்கு சம்மன் அனுப்பியுள்ளது.

இத்தகைய சூழலில், காங்கிரஸ் கட்சியின் சார்பாக, அடுத்த ஆண்டில் நடக்கும் உத்தரப்பிரதேச மாநில தேர்தலில், ஷீலா தீட்சித் முதலமைச்சர் வேட்பாளராக களம் இறங்குவார் என, அறிவிப்பு வெளியாகியுள்ளது.

தேசிய அரசியலில் ஷீலா தீட்சித்துக்கு நெருக்கடி மிகுந்துள்ளதாகக் கூறப்படும் நிலையில், அவரை மீண்டும் வலுவான போட்டியாளராக, காங்கிரஸ் கட்சி ஆதரித்துள்ளது பல்வேறு தரப்பிலும் வியப்பை ஏற்படுத்தியுள்ளது. முன்னதாக, செய்தியாளர்களை சந்தித்த ஷீலா தீட்சித், காங்கிரஸ் கட்சி வளர்ச்சிக்காக, எத்தகைய சவாலையும் எதிர்கொள்ள தயாராக உள்ளதாகக் கூறியிருந்தது குறிப்பிடத்தக்கது.