சிம்லாவா? சியாமளாவா? இமாச்சல் முதல்வர் விளக்கம்

இமாச்சலப் பிரதேசத்தின் தலைநகரான சிம்லாவுக்கு புதிய பெயர் சூட்டப்போவதில்லை என அம்மாநில முதல்வர் ஜெய்ராம் தாகூர் திட்டவட்டமாக தெரிவித்துள்ளார்.அண்மையில் உத்தரப் பிரதேச மாநிலத்தின் அலகாபாத் நகருக்கு பிராயாக்ராஜ் என புதிய பெயர் சூட்டப்பட்டது. இதைத் தொடர்ந்து பாஜக ஆளும் இமாச்சலப் பிரதேசத்திலும் சிம்லாவுக்கு புதிய பெயர் வைக்கப்படும் எனக் கூறப்பட்டது.

சிம்லாவின் பெயரை சியாமளா என மாற்ற விஸ்வ ஹிந்து பரிஷத் அமைப்பினர் அரசுக்கு மீண்டும் மீண்டும் பரிந்துரைத்து வந்தனர். இந்நிலையில் அந்தமாநிலத்தின் முதல்வர் இது குறித்து விளக்கம் அளித்துள்ளார்.

“சிம்லாவின் பெயரை மாற்றுமாறு வந்த கோரிக்கைகள் பற்றி ஆலோசிக்கவில்லை. அந்த கோரிக்கைகள் அனைத்தையும் நிராகரித்துவிட்டோம்.” என முதல்வர் ஜெய்ராம் தாகூர் கூறியிருக்கிறார்.