இந்தியாவின் சாலை விபத்துகளில் மணிக்கு 17 பேர் உயிரிழப்பதாக அதிர்ச்சி ரிப்போர்ட்

இந்தியாவில் நடக்கும் சாலை விபத்துகளில் மணிக்கு சராசரியாக 17 பேர் உயிரிழப்பதாக சமீபத்தில் நடத்தப்பட்ட ஆய்வில் தெரியவந்துள்ளது.

இந்தியாவில் உள்ள சாலைகளில் மரணங்கள் சம்பவித்து தொடர் கதையாகி வருகிறது . ஏனெனில், இந்தியாவில் ஒரு மணி நேரத்தில் 17 பேர் சாலை விபத்தில் உயிரிழப்பதாக சமீப ஆய்வில் தெரிய வந்துள்ளது.

மேலும், ஒரு மணி நேரத்தில் 55 சாலை விபத்துக்கள் இந்தியாவில் நடக்கிறது. அந்த வகையில் கடந்த 2016-ஆம் ஆண்டில் மட்டும் 1,50,785 பேர் தங்கள் உயிரை இழந்துள்ளனர்.

அதுமட்டுமின்றி 2016-ஆம் ஆண்டில் 4,80,652 சாலை விபத்துகள் நடந்துள்ளன. அதில் 2,68,341 விபத்துக்கள் அதிவேகமாக பயணம் சென்ற காரணத்தால் ஏற்பட்டுள்ளது.

29,647 விபத்துக்கள் வாகனங்களை முந்திச் செல்லும்போது ஏற்பட்டுள்ளது. 17,654 விபத்துக்கள் தவறான பாதையில் வாகனங்களை செலுத்தியதால் நடந்துள்ளது.

14,894 விபத்துக்கள் மது அருந்தி விட்டு வாகனங்கள் ஓட்டியதால் ஏற்பட்டுள்ளது. 8,513 விபத்துக்கள் சாலையில் பாதை மாறி ஓட்டியதால் நிகழ்ந்துள்ளது.