56 இஞ்ச் மார்பை காட்டுங்கள் ... மோடியை சீண்டும் கபில் சிபல்

இந்திய பிரதமர் மோடியும் சீன அதிபர் ஷி ஜின் பிங்கும் முறைசாரா வகையில் சந்தித்துக்கொள்ளும் நிகழ்வு இன்று நடைபெறுகிறது.

இதற்காக பலமாக பாதுகாப்பு ஏற்பாடுகள் செய்யப்பட்டுள்ளன. கடற்கரை சாலை முழுவதும் அதிதீவிர பாதுகாப்பு வளையத்துக்குள் கொண்டுவரப்பட்டுள்ளது.

இருந்தும் இந்தியாவின் பாதுகாப்பை நம்பாமல் சீன அதிபருக்கு தனி கார் மற்றும் தனியே பாதுகாப்பு அதிகாரிகள் வரவழைக்கப்பட்டுள்ளனர்.

இந்நிலையில் காங்கிரஸ் கட்சியின் மூத்த தலைவர்களுள் ஒருவரான கபில் சிபல் கருத்து தெரிவித்துள்ளார்.

ஷி ஜிங்பிங் - மோடி வருகை: மெட்ரோ ரயில் சேவையில் மாற்றமா?

பாகிஸ்தான் ஆக்கிரமிப்பு காஷ்மீரீல் சுமார் 5000 ச.கி.மீ நிலத்தை சீனா ஆக்கிரமித்து உள்ளது.

“அந்த ஆக்கிரமைப்பை அகற்றிக்கொண்டு வெளியேறச் செய்யுங்கள்.
இந்தியாவில் 5ஜி க்காக ஹவாய் நிறுவனம் வராது என்பதையும் உறுதி செய்யுங்கள் என்று தெரிவித்துள்ளார்.
அப்போது உங்கள் 56 இன்ச் மார்பை காட்டுங்கள்”

என்று ட்விட்டரில் தெரிவித்துள்ளார்..


மோடி மற்றும் ஜின்பிங் சந்திப்பு நடக்கவிருக்கும் இன்று இந்த கருத்து தெரிவிக்கப்பட்டிருப்பது சலசலப்பை ஏற்படுத்தியுள்ளது.

காஷ்மீரின் சிறப்பு அந்தஸ்தை ரத்து செய்தபோது பாகிஸ்தானுக்கு ஆதரவாக நின்றது சீனா. ஆனால், இந்த சந்திப்புக்கு வரும்முன் தன் நிலைப்பாட்டை மாற்றிக்கொண்டதா சீனா என்றும் பல்வேறு தரப்பில் கேள்விகள் எழுந்தன.

மேலும், இந்த சந்திப்பின் மூலம் எந்த மாற்றமும் நிகழாது. எந்த ஒப்பந்தமும் கையெழுத்தாகவில்லை. எந்த அறிக்கையும் கூட பகிரப்படாது என்ற நிலையில் கபில் சிபல் இவ்வாறு தெரிவித்திருப்பது அரசியல் ரீதியாக கவனம் பெற்றுள்ளது.