அமித் ஷா கடந்த செப். 14ஆம் தேதி ஒரு டுவிட் ஒன்றைப் பதிவிட்டிருந்தார். அதாவது இந்தி மொழி தினமாகக் கொண்டாடப்படும் அன்று அவர் பதிவிட்ட டுவிட் மூலமாகக் கோரிக்கை ஒன்றை முன் வைத்தார். அதன்படி, நமது நாட்டை பெருமையடையச் செய்யத் தாய்மொழி மற்றும் ஹிந்தியில் பேசும் வழக்கத்தை அதிகமாகப் பயன்படுத்த வேண்டும் எனக் கூறியிருந்தார்.
இந்த கருத்து செப். 14ஆம் தேதி காலை 8 மணியளவில் பதிவிடப்பட்டிருந்தது. அதிலிருந்து சில மணி நேரங்களில் ஸ்டாப் ஹிந்தி இம்பொசிசன் என்ற ஹாஸ்டாக் டாப் டிரெண்டிங்குக்கு சென்றது. இதைத் தொடர்ந்து தமிழக திராவிட கட்சிகள் ஒருபுறம் போராட்டம், எதிர்க் கருத்துக்கள் வெளியிடத் தொடங்கியது.
தொடர்ந்து மையத்தில் நிற்கும் மக்கள் நீதி மய்யம் கட்சியின் தலைவர் கமல்ஹாசன் அதிரடியாக விடியோ பதிவை வெளியிட்டிருந்தார். அதில் ஷாவாக இருந்தாலும் யாராக இருந்தாலும் செய்த சத்தியத்தை மாற்ற நினைக்கக்கூடாது எனக் கூறியிருந்தார்.
இந்நிலையில்தான் செப். 20ஆம் தேதி ஹிந்தி திணிப்புக்கு எதிராக திமுக போராடுவதாக அறிவிப்பு ஒன்றை வெளியிட்டது. அரசியல் கட்சித் தலைவர்கள் எதிர்ப்பை வாய்மொழியாக மட்டுமில்லாமல், போராட்டம் மூலமாகவும் வெளிப்படுத்த தயாரிகிவிட்டனர். இந்த நிலையில் பொது மக்களும், இளைஞர்களும் தங்கள் கருத்துக்களை சமூக வலைத்தளங்களில் கமுக்கமாகப் பரப்பி வருகின்றனர்.
இந்த படம் பார்த்தாலே போதும், ஹிந்தி பேசும் ஒருவர் அனைவரும் ஹிந்தி பேசுவதால் என்னதான் நடக்கிறது எனப் பார்ப்பதைப்போல. காக்காவை ஒப்பிட்டு இந்த படத்தை உருவாக்கி உள்ளனர். இந்த படம் பெரும்பாலானவர்களின் வாட்ஸ் ஆப் ஸ்டேட்டஸாக இப்போது உள்ளது.