சோனியா காந்தி பரிசோதனைக்காக வெளிநாடு பயணம்!

சோனியா காந்தி, வழக்கமான மருத்துவ சிகிச்சைக்காக வெளிநாட்டுக்குப் புறப்பட்டுச் சென்றுள்ளார் என காங்கிரஸ் வட்டாரங்கள் தெரிவித்தன.

கடந்த சில மாதங்களாக உடல் நலக்குறைவால் அவதிப்பட்டு வரும் காங்கிரஸ் தலைவர் சோனியா காந்தி, வெளிநாட்டுக்கு மருத்துவசிகிச்சைக்காக சென்றுள்ளதாக காங்கிரஸ் வட்டாரங்கள் தெரிவிக்கின்றன. அவர் புறப்படும் முன், காங்கிரஸ் துணைத் தலைவர் ராகுல் காந்தி, கட்சியின் மூத்த தலைவர்கள் ஆகியோருடன் அவர் ஆலோசனை நடத்தியதாக தெரிகிறது.

வெளிநாட்டில் இருந்து சோனியா திரும்பி வரும் வரையில், அவருக்கு பதிலாக, கட்சி பணிகளை ராகுல் காந்தி கவனிப்பார் என தெரிவிக்கப்பட்டுள்ளது.
எனினும், அவர் எந்த நாட்டுக்குச் சென்றுள்ளார் குறித்து கட்சி வட்டாரங்கள் தெரிவிக்கவில்லை. ஆனால், முன்பு மருத்துவ சிகிச்சைக்காக அமெரிக்காவுக்கு சென்றது போல தற்போதும் அவர் சென்றுள்ளதாகக் கூறப்படுகிறது.