கேரளாவில் 3 நாட்கள் முன்னதாக தொடங்கியது தென்மேற்கு பருவமழை!

டெல்லி: தென்மேற்கு பருவமழை கேரளாவில் முன்கூட்டியே தொடங்கியுள்ளது.

ஆண்டுதோறும் ஜூன் மாதம் தென்மேற்குப் பருவமழை தொடங்கும். கேரளாவில் தொடங்கும் பருவமழை படிப்படியாக, தமிழகம் நோக்கி திரும்பும். ஆனால் நடப்பாண்டில் முன்கூட்டியே தொடங்கியுள்ளது.

தற்போது தென்கிழக்கு ஆப்பிரிக்கக் கடல், கொமோரின் - மாலத் தீவுகள் பகுதி, லட்சத் தீவு, கேரளாவின் பெரும்பாலான பகுதிகளில் தென்மேற்குப் பருவமழை தொடங்கியது.

இதனால் தமிழ்நாட்டின் சில பகுதிகளிலும், தென்மேற்கு மத்திய மற்றும் வடகிழக்கு வங்காள விரிகுடாவின் சில பகுதிகளில் மழை பெய்யத் தொடங்கியுள்ளது.

இது வழக்கத்தை விட 3 நாட்களுக்கு முன்னதாக நிகழ்ந்துள்ளது. கேரளாவில் கடந்த 3 - 4 நாட்கள் பரவலாக மழை பெய்து வருகிறது. தற்போது 14 மழைப்பொழிவு மையங்கள் மூலம் 60% மழைப்பொழிவை பெற்றிருப்பது தெரியவந்துள்ளது.

South west monsoon hits Kerala 3 days before says IMD.