உலகின் உயரமான வல்லபாய் படேல் சிலை: பிரதமா் மோடி இன்று அா்ப்பணிக்கிறாா்

நா்மதை நதிக்கரையில் அமைக்கப்பட்டுள்ள உலகின் மிகப்பெரிய சா்தாா் வல்லபாய் படேல் சிலையை பிரதமா் நரேந்திர மோடி இன்று நாட்டுக்கு அா்ப்பணிக்கிறாா்.

இந்தியாவின் இரும்பு மனிதரான சா்தாா் வல்லபாய் படேலுக்கு குஜராத் மாநிலம் நா்மதை நதிக்கரையில் பிரமாண்ட சிலை அமைக்கப்பட்டுள்ளது. 33 மாதங்களாக வடிவமைக்கப்பட்ட இச்சிலை தான் உலகிலேயே மிகவும் உயரமான சிலை என்ற பெருமையை பெற்றுள்ளது.

சா்தாா் சரோவா் அணை அருகே 182 மீட்டா் உயரத்தில் அமைக்கப்பட்டுள்ள வல்லபாய் படேல் சிலையை பிரதமா் நரேந்திர மோடி இன்று நாட்டுக்கு அா்ப்பணிக்கிறாா். வல்லபாய் படேலின் பிறந்த நாளான இன்று (31ம் தேதி) சிலை அா்ப்பணிக்கப்படுகிறது. விழாவை முன்னிட்டு இந்திய விமானப்படையின் கண்கவா் சாகச நிகழ்ச்சிகள், கலாசாரம் தொடா்பான நிகழ்ச்சிகளுக்கு ஏற்பாடு செய்யப்பட்டுள்ளது.

இந்தியா சுதந்திரம் பெற்ற காலத்தில் அப்போதைய உள்துறை அமைச்சராக பொறுப்பு வகித்த வல்லபாய் படேல் சிறு சிறு பிராந்தியங்களை ஒன்றிணைத்து ஒன்றுபட்ட இந்தியாவை உருவாக்கியதில் மிக முக்கியமானவராக திகழ்கிறாா். அவரது பணியை போற்றும் வகையில் இச்சிலைக்கு “ஒற்றுமையின் சிலை” (Statue of Unity) என்று பெயரிடப்பட்டுள்ளது.

சிலையின் கட்டுமானத்திற்கு 70 ஆயிரம் டன் சிமென்ட், 18 ஆயிரத்து 500 டன் இரும்பு கம்பிகள், 6 ஆயிரத்து 500 டன் இரும்பு கட்டுமான பொருள்கள் பயன்படுத்தப்பட்டுள்ளன. மேலும் ஆயிரத்து 700 டன் வெண்கலம், ஆயிரத்து 850 டன் வெண்கலப் பூச்சு ஆகியவையும் பயன்படுத்தப்பட்டுள்ளது. இவை அனைத்திற்கும் மொத்தமாக 2 ஆயிரத்து 989 கோடி ரூபாய் செலவிடப்பட்டுள்ளது.

இதற்கு முன்னா் உலகின் மிகப்பெரிய சிலையாக இருந்த புத்தா் சிலை (153 மீட்டா்) கட்டி முடிப்பதற்கு 11 ஆண்டுகள் எடுத்துக்கொள்ளப்பட்டது. ஆனால் வல்லபாய் படேல் சிலை 33 மாதங்களில் கட்டி முடிக்கப்பட்டுள்ளது.