ஸ்ரீதேவி மர்ம மரணம்; சுப்பிரமணியன் சுவாமி எழுப்பும் கேள்விகளை பாருங்க!

டெல்லி: நடிகை ஸ்ரீதேவி இறப்பு குறித்து, பாஜக தலைவர் சுப்பிரமணியன் சுவாமி பல்வேறு கேள்விகளை எழுப்பியுள்ளார்.

பிரபல நடிகை ஸ்ரீதேவி துபாயில் மர்மமான முறையில் இறந்துள்ளார். இதுதொடர்பான விசாரணை தீவிரமாக நடைபெற்று வருகிறது.

இந்நிலையில் பாஜக மூத்த தலைவர்களில் ஒருவரான சுப்பிரமணியன் சுவாமி தனியார் தொலைக்காட்சிக்கு அளித்த பேட்டியில் பல்வேறு கேள்விகளி எழுப்பியுள்ளார்.

அதில், நடிகை ஸ்ரீதேவிக்கு உடல்நலனில் மிகுந்த அக்கறை உண்டு. மதுப்பழக்கம் கிடையாது. எனவே வலுக்கட்டாயமாக ஆல்கஹால் குடிக்க வைத்திருக்கலாம்.

தண்ணீர் தொட்டியில் விழுந்து ஒருவர் மரணமடைய வாய்ப்பில்லை என்று கூறினார். பின்னர் செய்தி நிறுவனம் ஒன்றிற்கு அளித்த பேட்டியில், ஸ்ரீதேவி மரணத்தில் சிசிடிவி காட்சிகள் எங்கே?

மருத்துவர்கள் மாரடைப்பு என்று கூறியது ஏன்? தாவூத் உள்ளிட்ட நிழல் உலக தாதாக்களுடன் உள்ள தொடர்பை கண்காணிக்க வேண்டும் என்று கூறினார்.

Subramaniyan Swamy doubts about Sridevi mystery death in Dubai.