98 சதவீதம் பெற்று டாப்பர் ஆகிய சன்னி லியோன்!

பீகாரின் பொது சுகாதார பொறியியல் துறையில் ஜூனியர் இஞ்சினியர் பணிக்கு சேர கடந்த ஜன.,15 முதல் 31 வரை ஆன்லைன் விண்ணப்பங்களை அத்துறையில் அதிகாரப் பூர்வ தளத்தில் விண்ணப்பிக்கலாம் என முன்னதாக அறிவிப்பு வெளியாகியது. இதனை அடுத்து 214 பணியிடங்களுக்கு, 17,000 விண்ணப்பங்கள் வந்து குவிந்தன.

இதில் பல போலி விண்ணப்பங்கள் உள்ளன. இத்தளத்தை விளையாட்டாக பயன்படுத்துவோரும் உண்டு. தற்போது விண்ணப்பத்தில் பிரபல ஆபசப் பட நடிகை சன்னி லியோனின் புகைப்படத்தை ஒட்டி, தகவல்கள் அனுப்பி ஒரு நபர் குறும்பு செய்துள்ளார். இவர் மீது நடவடிக்கை எடுக்க இத்துறையின் தலைவர் ஸ்ரீவாத்சவா காவலர்களிடம் புகார் அளித்துள்ளார். வேலைவாய்ப்புத் தளத்தை பொழுதுபோக்குக்காக இவ்வாறு விளையாட்டாகப் பயன்படுத்துவது கண்டனத்துக்கு உரியது என அவர் தெரிவித்துள்ளார்.

இப்பிரச்னையை பீகார் சட்டமன்றத்துக்கு எடுத்துச் சென்றுள்ளார் லாலு பிரசாத் யாதவ் மகன் மற்றும் எதிர்கட்சித் தலைவர் தேஜஸ்வி. ‘நிதீஷ் குமார் ஆட்சியில் நடிகை சன்னி லியோன் எல்லாம் 98 சதவீத மதிப்பெண் பெற்று அரசு வேலைக்கு விண்ணப்பித்துள்ளார்’ என அவர், மாநில அரசின் கவனக்குறைவை நக்கலாக கமெண்ட் அடித்துள்ளார்.