Aadhar verdict: அரசியல் சாசனப்படி ஆதார் அடையாள அட்டை செல்லும்: உச்சநீதிமன்றம் தீர்ப்பு

இந்த வழக்கில் தீர்ப்பை வாசித்த 5 நீதிபதிகள் கொண்ட உச்சநீதிமன்ற அமர்வு, கடந்த காலங்களில் இந்தியாவில் அதிகம் பேசப்பட்ட ஒன்று ஆதார். தனிநபர் சுதந்திரத்தை பாதிக்கிறது என்பது மட்டுமே பிரச்சனையாக உள்ளது.

ஆதார் என்பது மற்ற அடையாள ஆவணங்கள் போன்றதல்ல. ஆதார் சிறந்தது என்பதை விட தனித்துவமானது என்பது நல்லதே. உச்சநீதிமன்ற தீர்ப்பு மூலம் தனிநபரின் கண்ணியம் காக்கப்படும் என்று தெரிவித்தது.

ஆதார் எண்ணை போலியாக உருவாக்க முடியாது. குறைந்த, அத்தியாவசிய தகவல்கள் மட்டுமே ஆதாருக்காகப் பெறப்படுகிறது. ஆதாருக்காக சட்ட விதிகள் இன்னும் கடுமையாக்கப்பட வேண்டும்.

கையெழுத்திலிருந்து கைரேகை வைக்கும் அளவிற்கு தொழில்நுட்பம் நம்மை உயர்த்தியுள்ளது. கையெழுத்தைக் கூட மாற்றலாம். ஆனால் கைரேகையை மாற்ற முடியாது.

தனியார் நிறுவனங்கள் ஆதார் தகவல்களைக் கோருவது சட்டவிரோதம். தனிநபர் கண்ணியம் காக்க, ஆதார் சட்டத்தில் மத்திய அரசு திருத்தம் கொண்டு வர வேண்டும்.

ஆதாருக்காக சேகரிக்கப்பட்ட தகவல்கள் வெளியே கசியாமல் பாதுகாக்க வேண்டியது அரசின் கடமை ஆகும்.
ஆனால் அரசியல் சாசனப்படி ஆதார் அடையாள அட்டை செல்லும் என்று உச்சநீதிமன்றம் தீர்ப்பு வழங்கியது. அதேசமயம் ஆதார் இல்லை என்பதற்காக தனிநபரின் உரிமைகள் மறுக்கக் கூடாது.

பள்ளிச் சேர்க்கைக்கு ஆதார் கட்டாயம் கிடையாது: உச்சநீதிமன்றம் அதிரடி தீர்ப்பு!

ஆதார் இல்லை எனக்கூறி குழந்தைகளுக்கான கல்வி உள்ளிட்ட அடிப்படை விஷயங்களை மறுக்கக்கூடாது. யு.ஜி.சி, சிபிஎஸ்இ, நீட் தேர்வுகளுக்கு ஆதாரைக் கட்டாயமாக்கக் கூடாது என்று தீர்ப்பு வழங்கினர்.

மேலும் பள்ளிச் சேர்க்கைக்கும் ஆதார் கட்டாயம் கிடையாது என்று உத்தரவிட்டனர். கல்வி என்பது ஒவ்வொருவரின் அடிப்படை உரிமை என்பதால், அதில் ஆதாரை கட்டாயமாக்கக் கூடாது என்று உச்சநீதிமன்றம் உத்தரவிட்டுள்ளது.

வங்கிக் கணக்கு தொடங்க, செல்போன் இணைப்புப் பெற ஆதார் கட்டாயமில்லை: உச்சநீதிமன்றம்!

வங்கிக் கணக்கு தொடங்க, செல்போன் இணைப்புப் பெற ஆதார் கட்டாயமாக்கக் கூடாது. வருமான வரி கணக்கு எண்ணான பான் எண்ணுடன், ஆதார் எண்ணை இணைப்பது கட்டாயம் என்று உத்தரவிட்டுள்ளது.

supreme court pronounce verdict on aadhaar act valid.