ஜம்மு காஷ்மீர் சிறப்பு அந்தஸ்து ரத்துக்கு எதிரான வழக்கு அரசியல் சாசன அமர்வுக்கு மாற்றம்!!

ஜம்மு காஷ்மீர் செல்ல சிபிஐ (எம்) தலைவர் சீதாராம் யெச்சூரிக்கு உச்ச நீதிமன்றம் அனுமதி வழங்கியுள்ளது.

ஜம்மு காஷ்மீர் சிறப்பு அந்தஸ்து ரத்துக்கு எதிரான வழக்கு அரசியல் சாசன அமர்வுக்கு மாற்றம்!!
ஜம்மு காஷ்மீரின் சிறப்பு அந்தஸ்து ரத்து செய்யப்பட்டதற்கு எதிரான வழக்கு அரசியல் சாசன அமர்வுக்கு மாற்றம் செய்யப்பட்டுள்ளது.

ஜம்மு காஷ்மீரின் சிறப்பு அந்தஸ்து ரத்து செய்யப்பட்டதற்கு எதிரான வழக்கு இன்று உச்ச நீதிமன்றத்தில் விசாரணைக்கு வந்தது. அப்போது இந்த விசாரணையை 5 நீதிபதிகள் கொண்ட அரசியல் சாசன அமர்வுக்கு மாற்றம் செய்யப்படுகிறது என்று தலைமை நீதிபதி ரஞ்சன் கோகோய் அறிவித்தார்.

மேலும் ஜம்மு காஷ்மீர் செல்ல சிபிஐ (எம்) தலைவர் சீதாராம் யெச்சூரிக்கு உச்ச நீதிமன்றம் அனுமதி வழங்கியுள்ளது. அதேசமயம் அவர் முன்னாள் எம்.எல்.ஏ., யூசுப் தரிகாமியை மட்டும் சந்திக்க வேண்டும், வேறு எந்த விஷயங்களுக்கும் செல்லக் கூடாது என்று தலைமை நீதிபதி ரஞ்சன் கோகோய் திட்டவட்டமாக தெரிவித்தார். அவரது பயணத்தில் வேறு எந்த அரசியல் சந்திப்புகளும் இருக்கக் கூடாது என்று கோகோய் தெரிவித்துள்ளார்.

மாட்டுக் கறி உண்டவர்கள் ’தீண்டத் தகாதவர்கள்’ - கொளுத்தி போட்ட ஆர்.எஸ்.எஸ் தலைவர்!

இதற்கிடையே, ஜம்மு காஷ்மீரில் தற்போது நிலவி வரும் தடைகளை நீக்க வேண்டும். தகவல் தொடர்புகளை, இன்டர்நெட் இணைப்புகளை மீண்டும் வழங்க வேண்டும் என்று காஷ்மீர் டைம்ஸ் செயல் எடிட்டர் அனுராதா பாசின் மனு தாக்கல் செய்து இருந்தார். இதுகுறித்து வரும் 7 நாட்களுக்குள் பதில் அளிக்க வேண்டும் மத்திய அரசுக்கு நீதிபதி உத்தரவு பிறப்பித்தார்.

பசு அதிக பால் கறக்க வேண்டுமா? கடவுளின் வழியில் விஞ்ஞான பூர்வ ஐடியா சொன்ன பாஜக எம்.எல்.ஏ!

ஜம்மு காஷ்மீருக்கு என்று உடையாடலில் பங்கு கொள்ள தனி ஒருவரை நியமிக்க வேண்டும் என்று மத்திய அரசு உச்ச நீதிமன்றத்தை கேட்டுக் கொண்டு இருந்தது. ஆனால், அதற்கு உச்ச நீதிமன்றம் மறுப்பு தெரிவித்துள்ளது.

ஜம்மு காஷ்மீரின் சிறப்பு அந்தஸ்து ரத்து செய்யப்பட்டது தொடர்பான அனைத்து வழக்குகளும் வரும் அக்டோபர் மாதம் முதல் வாரத்தில் விசாரணைக்கு வருகிறது.