பாஜக தலைவர் அமித் ஷாவுக்கு அறுவை சிகிச்சை!!

பாஜக தலைவரும், உள்துறை அமைச்சருமான அமித் ஷாவுக்கு கழுத்துக்குப் பின்புறத்தில் சிறிய கட்டி இருந்தது. இன்று மயக்க மருத்து அளித்து சிறிய அறுவை சிகிச்சை மூலம் அந்தக் கட்டி நீக்கப்பட்டது. அவர் நலமுடன் இருப்பதாகவும், வீடு திரும்பியதாகவும் மருத்துவர்கள் தெரிவித்துள்ளனர்.

உள்துறை அமைச்சர் அமித் ஷாவுக்கு கழுத்துக்குப் பின்புறத்தில் கொழுப்பு போன்ற கட்டி இருந்துள்ளது. இதனால் அவருக்கு எந்த பாதிப்பும் இல்லை என்றாலும், அதை அறுவை சிகிச்சை மூலம் நீக்குவதற்கு முடிவு செய்தார். இதன்படி இன்று காலை அகமதாபாத்தில் இருக்கும் கேடி மருத்துவமனையில் சேர்க்கப்பட்டு இருந்தார்.

அவருக்கு மயக்க மருந்து அளித்து மருத்துவர்கள் அந்தக் கட்டியை நீக்கினர். இதையடுத்து சிறிது நேரம் மருத்துவமனையில் ஓய்வு எடுத்து பின்னர் வீடு திரும்பினார். அவர் நலமுடன் இருப்பதாக மருத்துவமனை அறிக்கை வெளியிட்டுள்ளது.