ஆப்நகரம்

சுஷ்மா ஸ்வராஜ்க்கு இறுதி சடங்கு செய்த அவரது மகள்!!

மறைந்த முன்னாள் வெளியுறவுத்துறை அமைச்சர் சுஷ்மா ஸ்வராஜ்க்கு அவரது மகள் பான்சூரி ஸ்வராஜ் இறுதி சடங்குகள் செய்தார்.

Samayam Tamil 7 Aug 2019, 5:57 pm
பிரதமர் மோடியின் முந்தைய ஆட்சியில் வெளியுறவுத்துறை அமைச்சராக இருந்தவர் சுஷ்மா ஸ்வராஜ். சிறுநீரகம் பாதிக்கப்பட்டு இருந்த நிலையில் அறுவை சிகிச்சை செய்து கொண்டு தொடர்ந்து வெளியுறவுத்துறை அமைச்சராக பணியாற்றி வந்தார். கடந்த தேர்தலில் அவர் போட்டியிடவில்லை. உடல் நல பாதிப்பை காரணம் காட்டி மத்திய அரசில் இருந்து ஒதுங்கி இருந்தார்.
Samayam Tamil Bansuri


ஜம்மு காஷ்மீர் விஷயத்தில் மோடி எடுத்த முடிவுகளைப் பாராட்டி இறுதியாக நேற்று ஒரு டுவீட் செய்து இருந்தார். வரலாற்று முக்கியத்துவம் வாய்ந்த முடிவு எடுத்த பிரதமருக்கு நன்றி என்று கூறி இருந்தார். அவரது வெளிநாட்டுப் பயணங்கள் இந்தியாவுக்கு நல்ல பெயரை பெற்றுத் தந்துள்ளது. யாரும் எளிதில் அணுகும் வெளியுறவுத்துறை அமைச்சராக இருந்தார்.

என் அம்மா... எனக்கு உயிர்கொடுத்த தெய்வம்! - சுஷ்மா மறைவிற்கு கதறி அழும் ஹமித் அன்சாரி!


நேற்று திடீரென உடல்நலம் பாதிக்கப்பட்டு டெல்லியில் உள்ள எய்ம்ஸ் மருத்துவமனையில் சேர்க்கப்பட்டார். அப்போது சிகிச்சை பலனின்றி நேற்று இரவு மாரடைப்பால் காலமானார். இவருக்கு நேற்று இரவு முதல் பல்வேறு அரசியல் கட்சித் தலைவர்களும் அஞ்சலி செலுத்தி வந்தனர். இன்று பிரதமர் மோடி நேரில் சென்று அஞ்சலி செலுத்தினார். அப்போது கண்ணீர் விட்டு அழுதார். சுஷ்மா குடும்பத்திற்கு ஆறுதல் தெரிவித்தார்.

Sushma: சுஷ்மா பூத உடலைப் பார்த்து கண்ணீர் சிந்திய பிரதமர் மோடி!!


இதைத் தொடர்ந்து அவரது உடல் லோதி சாலையில் இருக்கும் மயானத்திற்கு எடுத்துச் சென்று தகனம் செய்யப்பட்டது. பிரதமர் மோடி, உள்துறை அமைச்சர் அமித் ஷா, ராணுவத்துறை அமைச்சர் ராஜ்நாத் சிங், பாஜக மூத்த தலைவர் அத்வானி, அமைச்சர்கள் ரவி சங்கர் பிரசாத், பியூஷ் கோயல், பாஜக செயல் தலைவர் ஜெபி நட்டா ஆகியோரும் கலந்து கொண்டனர். அத்வானியை கைத்தாங்கலாக பிரதமர் மோடி மற்றும் ராஜ்நாத் சிங் அழைத்து சென்று சுஷ்மாவுக்கு அஞ்சலி செலுத்த வைத்தனர்.

இதற்கு முன்னதாக அவரது இல்லத்திற்குச் சென்று காங்கிரஸ் தலைவர்கள் சோனியா காந்தி, ராகுல் காந்தி உள்பட பல தலைவர்களும் அஞ்சலி செலுத்தி இருந்தனர்.

சுஷ்மாவின் உடலுக்கு அவரது மகள் பானுசூரி இறுதி சடங்குகள் செய்தார். முழு அரசு மரியாதையுடன் அவரது உடல் தகனம் செய்யப்பட்டது.

அடுத்த செய்தி