தாஜ்மஹாலை ராமர் மஹால் ஆக்கணும்: பாஜக எம்.எல்.ஏ.,

உலக அதியமான தாஜ்மஹாலின் பெயரை மாற்றி ராமர், கிருஷ்ணர் அல்லது சிவாஜியின் பெயரை வைக்க வேண்டும் என்று பாஜக எம்.எல்.ஏ., கூறியுள்ள்ளார்.

உலக அதிசயங்களில் ஒன்றாகத் திகழும் தாஜ்மஹால் நாட்டிற்கே பெருமை சேர்க்கும் விதமாக உள்ளது. சுற்றுச்சூழல் மாசுபாட்டினால் அதன் வெண்மை நிறம் மாறுவது குறித்து சமூக ஆர்வலர்கள் கவலை தெரிவித்து வருகின்றனர். அதே சமயத்தில் அதன் வரலாறு குறித்து அவ்வப்போது சர்ச்சைகள் எழுந்த வண்ணம் உள்ளன.

இந்நிலையில், உத்தரப் பிரதேச மாநில எம்.எல்.ஏ., சுரேந்திர சிங் தாஜ்மஹாலின் பெயரை மாற்ற வேண்டும் என்றும் ராமர் மஹால் அல்லது கிருஷ்ணர் மஹால் என்றோ சிவாஜி மஹால் என்றோ பெயர் சூட்ட வேண்டும் என்றும் கூறியுள்ளார்.

சர்ச்சைக்குப் பேர் போன சுரேந்திர குமார், பாலியல் தொழிலாளர்கள் அரசு ஊழியர்களை விட மேலானவர்கள் என்று அண்மையில் கூறினார். முன்பாக, பாலியல் வன்கொடுமைகளுக்குக் காரணம் பெண் குழந்தைகளை பெற்றோர் அடக்கமாக வளர்க்காததுதான் என்றார்.